«Ճիշտ ուղու վրա ենք». ՎիմպելԿոմը տոնում է ԱՄՆ-ում բաժնետոմսերի շրջանառության 20-ամյակը

ՎիմպելԿոմը (NASDAQ:VIP) այսօր՝ նոյեմբերի 11-ին, կհնչեցնի փակման զանգը  NASDAQ–ում, նշագծելով 20 տարի առաջ այն օրը, երբ բաժնետոմսերն առաջին անգամ շրջանառվեցին Ամերիկայի Միացյալ Նահանգներում։

ՎիմպելԿոմի բաժնետոմսերը, մինչեւ փոխանցվելը NASDAQ, առաջին անգամ շրջանառվեցին Նյու Յորքի ֆոնդային բորսայում 1996թ–ին՝ գրավելով իրենց տեղն աշխարհի ամենանորարարական եւ հաջողակ տեխնոլոգիական ընկերությունների կողքին։ Վերջին 20 տարիների ընթացքում ընկերության առաջատար ոգին ուղեկցեց զարգացնելու նոր տեխնոլոգիաները շուկաներում: Այսօր ՎիմպելԿոմ-ն ավելի քան 200 միլիոն բաժանորդներով հանդիսանում է աշխարհի խոշորագույն հեռահաղորդակցության օպերատորներից մեկը եւ գործում է Եվրոպայի, Եվրասիայի, Աֆրիկայի եւ Ասիայի 14 շուկաներում։  

Ժան–Իվ Շառլը, ՎիմպելԿոմ–ի Գործադիր գլխավոր տնօրենն ասաց. «Սա շատ կարեւոր ուղենիշ է, որով  ՎիմպելԿոմ–ն իրոք հպարտանում է։ Նորարարական ոգին, որը հանդիսանում է վերջին 20 տարիների հաջողության հիմնաքարը, շարունակում է առաջնորդել մեզ թվային տեխնոլոգիաների ոլորտում առաջատար դառնալու գործընթացում: Այս շրջադարձային առաջընթացը, որը մենք իրականացրել ենք վերջին 15 ամիսների ընթացքում վկայում է այն մասին, որ մենք ճիշտ ուղու վրա ենք»։

Իր ձեռնարկատիրական ժառանգությանը զուգահեռ, ՎիմպելԿոմն այժմ աշխատում է թվային ոլորտում, որն արդյունաբերության մեջ համարվում է ամենահավակնոտ տրանսֆորմացիոն ծրագրերից մեկը: Ավելի վաղ այս տարի ՎիմպելԿոմ–ը հայտարարեց մի խոշոր ծրագրի մեկնարկի մասին, որի շրջանակում ընկերության ՏՏ ենթակառուցվածքները տեղափոխում են մեկ միասնական թվային հարթակ, որը կնպաստի արտադրանքի եւ ծառայությունների ավելի արագ զարգացմանը` բավարարելով բարժանորդների թվային պահանջները: Փորձարկվել է նաեւ հաճախորդների ներգրավման թվային նոր հարթակ, որի հիմնական նպատակն է նորովի աշխատել հաճախորդների հետ։

ՎիմպելԿոմը գրանցել է զգալի առաջընթաց իր բիզնեսները կարգավորելու գործընթացում. Իտալիայում եւ Պակիստանում ավարտվել են հիմնական գործարքները, եւ այժմ այդ շուկաներում ընկերությունը հանդիսանում է շուկայի առաջատարը: Վիմպելկոմը զուգահեռ գլոբալացնում եւ պարզեցնում է իր խմբի մեջ մտնող ընկերությունների գործընթացները` ներդնելով կայուն եւ թափանցիկ կառավարման համակարգ, որն ապահովում է Խմբի շարունակական գործունեությունը միջազգային բարձր չափանիշներին համապատասխան: 

Համահիմնադիր եւ պատվավոր նախագահ Օգի Ֆաբելան նշեց. «Այն ձեռնարկատիրական նվիրվածությամբ, որով մենք հիմնեցինք ընկերությունը 24 տարի առաջ, նույն ոգով այսօր ՎիմպելԿոմը «հեղաշրջում» է ողջ արդյունաբերությունն իր հավակնոտ թվային ռազմավարությամբ։ Ամբողջ աշխարհի Առաջատար Տեխնոլոգիական ընկերությունները եւ ձեռներեցներն երազում են, որ իրենց բաժնետոմսերը հրապարակայնորեն շրջանառվեն NASDAQ բորսայում՝ այստեղ Նյու Յորքում։ Մենք հպարտ ենք այսօր այնպես ինչպես այն օրը, երբ առաջին անգամ հնչեցրինք մեր բացման զանգը 20 տարի առաջ։ Մեր աշխատակիցներից յուրաքանչյուրը շարունակաբար աշխատում է փորձելով առաջարկել նորարարական լուծումներ մեր հաճախորդներին բոլոր գլոբալ շուկաներում»։