«Նոր հայեր» «КВН»-ի թիմի տղաների ընտանիքները (լուսանկարներ)
Life
Կրեմլի մեծ համերգասրահում օրերս նշել են «Ուրախների եւ հնարամիտների ակումբ»-ի 55-ամյակը: Հոբելյանական միջոցառմանը մասնակցել է 1997 թվականի Բարձրագույն լիգայի հաղթող «Նոր հայեր» թիմը:
ՈՒՀԱ 55-ամյակում «Նոր հայեր» թիմը կրկին հաղթող է ճանաչվել: Տղաներն արժանացել են սահմանված 3 գավաթներից մեկին, իսկ մյուս երկուսը բաժին է հասել ՝ Պյատիգորսկի եւ Սոչիի թիմերի:
Wnews.am-ը ներկայացնում է 90-ականների լեգենդար թիմի տղաների ընտանիքները: Ինչպես է փոխվել նրանց կյանքը 20 տարիների ընթացքում:
Հայտնի շոումեն, պրոդյուսեր, «Comedy Club» ակումբի հիմնադիր եւ անդամ Գարիկ Մարտիրոսյանի կինը Ժաննա Լեւինան է։ Սովորել է Ստավրոպոլի պետական իրավաբանական համալասարանում։ Գարիկ Մարտիրոսյանի կինը մասնագիտությամբ իրավաբան է։
1997 թ. Ժաննան, ով իր հարազատ բուհի КВН-ի երկրպագուհիներից էր, Սոչի էր ժամանել ՝ երկրպագելու իր սիրելի թիմին։ Դա իր ճակատագիրն էր. հերթական երեկույթում նա Գարիկ Մարտիրոսյանի հետ հայտնվեց նույն սեղանի շուրջ։ Մեկ տարի անց նրանք կրկին հանդիպեցին եւ արդեն մի քանի օր անց որոշեցին ամուսնանալ։
2004 թ ծնվեց զույգի դուստրը՝ Ժասմինը, իսկ 2009-ին որդին՝ Դանիելը։
Էլինա Ջանիբեկյանը Comedy Club -ի հիմնադիր և գլխավոր պրոդյուսեր, «Գազպրոմ Մեդիա Հոլդինգ» ԲԸ ժամանցային հեռուստաալիքների սուբհոլդինգի ղեկավար Արթուր Ջանիբեկյանի կինն է. « Ես հրաշալի ընտանքի ունեմ և վստահ եմ, որ ոչ մի բիզնես չի կարող համեմատվել դրա հետ: Ես և Էլինան շատ ենք գնահատում մեր հարաբերությունները և երկուսիս համար էլ գլխավորն ընտանիքն է»,-հարցազրույցներից մեկում ասել է Արթուր Ջանիբեկյանը:
Էլինա Ջանիբեկյանն ավարտել է Մոսկվայի բարձրագույն թատերական համալսարանը: Առանց Էլինայի չի անցնում ոչ մի նորաձևության ցուցադրություն Մոսկվայում: Այժմ նրանք ունեն երեք երեխա՝ Նարեկը, Եվան և Արամը: Արթուրը նշում է, որ երեխաների հետ խոսում է բացառապես հայերեն:
:
Ի դեպ՝ Արթուր Ջանիբեկյանի ու Գարիկ Մարտիրոսյանի կանայք մտերիմ ընկերուհիներ են:
Արտաշես Սարկիսյան. Comedy Club-ի նախկին վարողն ու պրոդյուսերը, Total Football ամսագրի գլխավոր խմբագիրը՝ Տաշ Սարգսյանը, ապրում է Մոսկվայի պետական համալսարանի ուսանողուհի Օլգայի հետ: Տաշի ընտրյալը մասնագիտությամբ հոգեբան է և աշխատում է միջազգային հոգեբանական կենտրոններից մեկում: Զույգն ապրում է քաղաքացիական ամուսնությամբ:
Արտակ Գասպարյան. Comedy Club-ի և «Kontr TV»-ի նախկին պրոդյուսեր, ներկայում՝ կինոպրոդյուսեր Արտակն ամուսնացած է: Նա «Նոր հայեր» թիմի ամենաերիտասարդ անդամն էր ՝ ՈՒՀԱ էր խաղում 15 տարեկանից: Արտակի կնոջ մասին տեղեկատվություն քիչ կա, նրանք միասին ներկա են եղել Արտակ Գասպարյանի «Ամենալա ֆիլմ»-ի պրեմիերային:
Արման Սաղաթելյան «Նոր հայեր» թիմի կապիտան, ՀՀ նախագահ Սերժ Սարգսյանի նախկին մամուլի քարտուղար, ներկայում՝ Հայաստանի հանրային ռադիոյի գործադիր տնօրենն Արմանն ունի երկու որդի՝ 2002 թ ծնվել է Արմանի ավագ որդին՝ Արմենը, 2010-ին՝ Արթուրը:
Հովհաննես Քոսյանն աշխատում է Microsoft ընկերությունում: Ամուսնացած է, ունի երեք որդի՝ Արեգ, Արա և Վաչե:
«Նոր հայեր» թիմի անդամ, Արմեն Պետրոսյանը՝ Մենչը, 2005թ-ից աշխատում է «Արմենիա» հեռուստաընկերությունում: 2014թ-ից նա «Ֆուլ Հաուս» հումորային հեռուստանախագծի պրոդյուսերն է:
Մենչն ամուսնացած է Քրիստինա Սմսարյանի հետ, ով նախկինում մոդել էր։ Զույգն ունի երեք զավակ՝ երկու դուստր եւ մեկ որդի։ Ի դեպ, նրանց դուստրն ու որդին զույգ են։
Արմեն Պետրոսյանի կինը սիրում է գեղեցիկ ֆոտոշարքեր կազմակերպել ընտանիքի անդամների հետ:
«Նոր հայեր»-ից Գրիգոր Գասպարյանը երկար տարիներ աշխատում էր հեռուստատեսությունում, սակայն երկար ժամանակ է՝ նա չի հայտնվում հեռուստաէկրանին։ Գրիշա Գասպարյանն ամուսնացած է Անի Միրզոյանի հետ։ Թեպետ մամուլում լուրեր էին տարածվել, թե զույգն ամուսնալուծվել է, բայց նրանք այդպես էլ չհաստատեցին այդ լուրը։ Զույգն ունի երկու դուստր։
«Նոր հայեր»-ի մյուս անդամ, ռեժիսոր Արտյոմ Հակոբյանը եւս երկար տարիներ աշխատում էր հայաստանյան հեռուստաընկերություններում որպես հաղորդավար, պրոդյուսեր եւ ռեժիսոր։ 2002-13թթ. նկարահանել է մոտ 70 տեսահոլովակ։
Արտյոմ Հակոբյանը երկրորդ անգամ է ամուսնացել։ Նրա կինը Էմմա Առաքելյանն է։ Արտյոմն ունի երեք զավակ՝ երկու որդի եւ մեկ դուստր։
«Նոր հայեր»-ի ևս մեկ անդամ՝ Ալեքսանդր Մնացականյանը, «Գրացիա» հայկական Կարմիր Խաչի ընկերության միջազգային վերականգնողական կենտրոնի գլխավոր տնօրենն է: Նրա կինը KIVERA NAYNOMIS բրենդի հիմնադիր, դիզայներ-մոդելավորող Արևիկ Սիմոնյանն է: Զույգն ունի մեկ որդի:
«Նոր հայեր»-ի մյուս անդամներին կանդրադառնանք մեր հաջորդ հրապարակման մեջ:
1
2
3
4
5
2
3
4
5
1
2
3
4
5
