ՀՀ վարչապետի անդամագրման հարց չի քննարկվել
Քաղաքականություն
Հայաստանի Հանրապետական կուսակցությունում բարձր են գնահատում մարտական հերթապահության ընթացքում զոհված կամ հաշմանդամ դարձած զինծառայողների ընտանիքներին հատուցելու համար հատուկ հիմնադրամի ստեղծման գաղափարը, որին յուրաքանչյուր աշխատող քաղաքացի ամսական 1000 դրամ կփոխանցի:
ՀՀԿ ԳՄ նիստից հետո լրագրողների հետ հանդիպմանն այս մասին ասաց ՀՀԿ խոսնակ, ԱԺ փոխնախագահ Էդուարդ Շարմազանովը: «Մենք բարձր ենք գնահատում այդ նախաձեռնությունը. այն միտված է համերաշխություն քարոզել մեր քաղաքացիների շրջանում, այն միտված է ազգ–բանակ կոնցեպտի զարգացմանը»,– նշեց Շարմազանովը:
Նա ասաց, որ շատ կարևոր նախաձեռնություն է՝ հավելելով, որ առկա բոլոր խնդիրները պետք չէ խառնել այս նախաձեռնության հետ: «Մենք բոլորս պետք է մասնակցենք մեր անվտանգության ամրապնդման գործին: Իսկ հնարավոր չարաշահումների խնդրին այսօր անդրադարձավ նաև պաշտպանության նախարարը և ասաց, որ հիմնադրամի միջոցները պետք է կառավարվեն հնարավորինս թափանցիկ»,– ընդգծեց ԱԺ փոխնախագահը:
Հայաստանի Հանրապետական կուսակցության գործադիր մարմնի նիստում կուսակցությանը ՀՀ վարչապետ Կարեն Կարապետյանի անդամակցության հարց չի քննարկվել: Հարցին՝ արդյոք շարունակո՞ւմ է օրակարգային մնալ վարչապետի՝ ՀՀԿ–ին անդամագրվելու հարցը, Շարմազանովը պատասխանեց. «Դանդաղ շտապեք, կապրենք կտեսնենք»: Կուսակցության ԳՄ նիստում քննարկվել են ՀՀ Նախագահի՝ ԱՄԷ կատարած այցի արդյունքները, Ազգային ժողովի մեկնարկած քառօրյայի առաջին փուլը, ինչպես նաև կուսակցության առաջիկա համագումարում կատարվելիք կանոնադրական և ծրագրային փոփոխությունները:
1
2
3
4
5
1
2
3
4
5
2
3
