Սասնա ծռեր» խմբի անդամ Արմեն Բիլյանը եւս երկու ամիս կմնա կալանքի տակ
Քաղաքականություն
«Սասնա ծռեր» խմբի անդամ Արմեն Բիլյանի խափանման միջոց կալանքի ժամկետն այսօր՝ նոյեմբերի 16-ին, Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը երկու ամսով երկարացրել է: Այս մասին NEWS.am–ի հետ զրույցում ասաց Բիլյանի պաշտպան Արմինե Ֆանյանը՝ նշելով, որ դատարանի որոշումը բողոքարկելու է: Նա նշեց, որ Արմեն Բիլյանը ներկա է եղել նիստին եւ իրեն առաջադրված մեղադրանքների վերաբերյալ արտահայտել իր կարծիքը: Արմեն Բիլյանը նշել է, որ չի ընդունում իրեն մեղսագրվող արարքները՝ մասնավորապես այսօր առաջադրված՝ ՊՊԾ գնդի տարածքում ոստիկանության ավագ ենթասպա Գագիկ Մկրտչյանի սպանության համար առաջադրված մեղադրանքը:
Արմեն Բիլյանին մեղադրանք է առաջադրվել նաեւ Քրեական օրենսգրքի 238–րդ հոդվածի 4-րդ մասի 2-րդ կետով (զենք զինամթերք շորթելը, որը կատարվել է կազմակերպված խմբի կողմից, կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով) եւ 104 հոդվածի 2-րդ մասի 1-ին, 2-րդ, 3-րդ եւ 11-րդ կետերով:
1
2
3
4
5
3
4
5
1
2
3
4
5
