Մելանիա VS Միշել . ԱՄՆ առաջին տիկինների կրթությունը , հոբբին և ոճը. ում են մենք համակրում (լուսանկարներ)

Wnews.am-ը գրում է . 

ԱՄՆ-ն ունի նոր առաջին տիկին՝ Մելանիա Թրամփը:  The Washington Post-ի տվյալներով  ամերիկացիները նրա հանդեպ այնքան էլ դրական չեն տրամադրված, ի տարբերություն Միշել Օբամայի, ով վայելում էր հանրության սերը: Միշել Օբամայի վարկանիշը վերջին տարիներին  ավելի բարձր էր քան ամուսնու՝ Բարաք Օբամայինը: Օրերս ԱՄՆ նախկին և ներկայիս առաջին տիկինները հանդիպել են: Սպիտակ տնից հայտնում են, որ լեդիները քննարկել են Սպիտակ տանը երեխաներին դաստիարակելու խնդիրները, այնուհետև Միշել Օբաման Մելանիայի հետ շրջել է նախագահական նստավայրում՝  ծանոթացնելով տեղանքին:

Wnews.am -ը փորձեց համեմատականներ անցկացնել և պարզել , թե ում ենք ավելի համակրում. Մելանիա vs Միշել

Ծնողներ.

Միշելը ծնվել է Չիկագոյում 1964թ հունվարի 17-ին,  աֆրոամերիկացի ստրուկների տոհմից է։ Մայրը տնային տնտեսուհի է, հայրը՝ Դեմոկրատական կուսակցության անդամ:

Մելանիան ծնվել է  1970թ ապրիլի 26-ին Սլովենիայում: Հայրը Կոմունիստական կուսակցության անդամ է, մայրն աշխատում է տեքստիլ գործարանում:  

Կրթություն և աշխատանք

Միջնակարգ դպրոցն ավարտելուց հետո Միշել Օբաման ընդունվել է Փրինստոնի համալսարան, ապա՝  Հարվարդի համալսարանի Իրավաբանական դպրոց, որն ավարտելուց հետո վերադարձել է Չիկագո, որտեղ աշխատել է «Սիդլի Օսթին» իրավաբանական ընկերությունում, այնուհետև՝ Չիկագոյի քաղաքապետարանում և Չիկագոյի համալսարանին կից գործող բժշկական կենտրոնում:

Մելանիան մանկուց երազում էր մոդել դառնալու մասին և հաճախում է դիզայնի և լուսանկարչության միջնակարգ դպրոց, այնուհետև ընդունվում է Սլովենաիայի համալսարանի Դիզայնի բաժինը, սակայն մեկ տարի անց թողնում է ուսումը: 18 տարեկանում պայմանագիր է կնքում Միլանի մոդելային ստուդիաներից մեկի հետ և սկսում  համագործակցել տարբեր ամսագրերի հետ  որպես մոդել:  2000թ-ին հայտնվում է Sports Illustrated Swimsuit Issue շապիկին:

Երեխաներ

Միշելն ու Բարաք Օբամաններն ունեն 2 դուստր՝ Մալիան և Սաշան:

Մելանիա և Դոնալդն ունեն մեկ որդի՝ Բերրոնը:

Հոբբի

Ինչպես շատ ամերիկուհիներ, Միշել Օբաման զբաղվում է այգեգործությամբ:  2012-ին նա անգամ այդ մասին գիրք է գրել:

Մելանիան 2010թ-ին հիմնադրեց  Melania Timepieces & Jewelry  աքսեսուարների և ժամացույցների ապրանքանիշը: Նույն ապրանքանիշն ավելի ուշ սկսեց արտադրել կոսմետիկա:

Ոճ

Միշել Օբամայի նաախընտրած բրենդներն են Jason Wu, Isabel Toledo, Narciso Rodriguez,  Tracy Feith: 2008թ նախագահական ընտրությունների գիշերը նա կրում էր  Narciso Rodriguez-ի կարմիր ու սև զգեստը:

Մելանիա Թրամփը նախընտրում է Alexander McQueen, Valentino, Dolce & Gabbana և Michael Kors ապրանքանիշերը: Ամուսնու հաղթանակին սպասելու գիշերը նա կրում էր Ralph Lauren-ի սպիտակ կոմբինիզոն: