Կրթության միլիոնատեր նախարարը
Կրթության և գիտության նախարար Լևոն Մկրտչյանը բավական մեծ ունեցվածքի տեր է. նա 193 միլիոն դրամի չափով բաժնեմաս ունի: Այս մասին կարդում ենք նախարարի Բարձրաստիճան պաշտոնատար անձանց էթիկայի հանձնաժողովին ներկայացրած գույքի և եկամուտների հայտարարագրում:
Ըստ Լևոն Մկրտչյանի 2016 թ. պաշտոնը ստանձնելու հայտարարագրի՝ վերջինիս անշարժ գույքն են հանդիսանում երկու բնակարանը, մեկ հողամասն ու մեկ ավտոտնակը: Նախարարը հայտարարագրել է նաև «Lexus RX 350» մակնիշի ավտոմեքենա: Կրթության նախարարը նաև փոխառություններ ունի, որոնք նրա պաշտոնը ստանձնելու օրվա դրությամբ կազմել են 66 հազար եվրո և 317 հազար ռուսական ռուբլի: Իսկ նրա դրամական միջոցներն էլ կազմել են 10 միլիոն դրամ, 25 հազար եվրո և 20 հազար ամերիկյան դոլար: Մկրտչյանի տարեկան եկամուտները սեպտեմբերի 27–ի դրությամբ կազմել են 4 միլիոն 149 հազար դրամ և գոյացել են աշխատավարձից ու շահաբաժնից:
Հիշեցնենք, որ նա առաջին անգամը չէ, որ զբաղեցնում է կրթության և գիտության նախարարի պաշտոնը, այս նույն պաշտոնին է եղել նաև 1998–99, 2001–03 և 2006–08 թթ.–ին:
1
2
3
4
5
3
4
5
2
3
4
5
