«Իսլամական պետությունը» 1 տարեկան է. կառույցի հասցրած և կրած մարդկային կորուստներն անցյալ մեկ տարվա ընթացքում
Արմեն Պետրոսյանը ֆեյսբուքյան իր էջում գրում է .
Հունիսի 29-ին լրացավ 1 տարին, ինչ «Իրաքի և Շամի իսլամական պետություն» իսլամական ծայրահեղ արմատական կազմակեպությունն Իրաքի և Սիրիայի՝ իր վերահսկողության ներքո գտնվող տարածքներում հռչակեց «խալիֆայություն», իսկ կառույցը վերանվանվեց «Իսլամական պետության» (ԻՊ):
Ըստ Լոնդոնում գտնվող Syrian Observatory for Human Rights (SOHR) հակակառավարական ուղղվածության սիրիական տեղեկատվական կենտրոնի տվյալների՝ իր գոյության 1 տարվա ընթացքում միայն Սիրիայի տարածքում ԻՊ-ը տարբեր եղանակներով, նաև՝ ամենավայրագ միջոցներով, սպանել է 3027 մարդու, այդ թվում՝ 1787 խաղաղ բնակչի, 74 երեխայի: Միայն Սիրիայի արևելյան Դեյր ալ Զուր նահանգում իսլամականները մահապատժի են ենթարկել տեղի ցեղերից մեկի 930 անդամի զուտ այն պատճառով, որ վերջինները համարձակվել են ապստամբել ծայրահեղ արմատական կառույցի դեմ:
Ի թիվս այլ հաշվեհարդարների՝ ԻՊ-ը սպանել է նաև իր հակառակորդ խմբավորումների 216 անդամի, ինչպես նաև՝ 143 զինյալի հենց սեփական շարքերից՝ դավաճանության, դասալքության և լրտեսության մեղադրանքներով:
SOHR-ը նաև հաշվել է իսլամականների կորուստներն անցյալ 1 տարվա ընթացքում ԱՄՆ-ի գլխավորած ռազմական կոալիցիայի հասցրած հարվածներից. ըստ այդմ՝ ԻՊ-ը միայն Սիրիայում կորցրել է 8000 զինյալ:
1
2
3
4
5
1
3
4
5
1
2
3
5
