Ի՞նչ հագնել. սեզոնի նորաձևությունը

Ի՞նչ հագնել, որպեսզի չմրսել և լինել նորաձև: newmag-ը զրուցել է Ankasa նորաձևության տան հիմնադիր, դիզայներ՝ Աստղիկ Սուքիասյանի հետ:

Նորաձև են գործվածքներ

Գործվածքե հագուստը թրենդային է դեռ նախանցած սեզոնից: Օversize ժակետներն այս տարի նույնպես  առաջատար են համարվում: Նորաձև կանայք իրենց զգեստապահարանում անպայման պետք է ունենան գործած տաք ժակետ, բլուզ, զգեստ, ժիլետ՝ ըստ ճաշակի: Նորաձև են նաև հագուստի վրա արված ասեղնագործությունները:

Գիշերազգեստ զգեստներ

Առաջին հայացքից գիշերազգեստ հիշեցնող զգեստները նույնպես շատ նորաձև են: Հետաքրքիր են նայվում  ատլասից և գիփյուռից  կարված զգեստները, երբ  համադրում են baker`s  boot-ի հետ (բայկերական ոճի կոշիկները)»:

Մոռացված choker-ի վերադարձը

Նորաձևություն է վերադարձել աղջիկների սիրելի աքսեսուարը՝ չոկերը, սակայն այն ամեն տեսակի հագուստի հետ համադրել չի կարելի, նախընտրելի տարբերակն է ՝ ուսերը բաց զգեստով կամ բլուզով կրելը: Չոկեր ընտրելիս պետք է հաշվի առնել պարանոցի երկարությունն ու զգեստը, որի հետ պատրաստվում եք այն կրել:

Բնական մորթիներն ու գույները

Բնական մորթիները այս աշնան ու ձմռան հիթն են: Վառ գույներով մորթիների համադրությունը, օրինակ՝ մուգ վարդագույնն ու սառը երանգով կանաչը շատ գեղեցիկ են ու մեծ տարածում ունեն Եվրոպայում: Պարկիներն են մոդայիկ՝ ներսի պաշտպանիչ գունագեղ մորթիներով: Նորաձև է շագանակագույնը:Կանաչի, վարդագույնի բոլոր երանգներն են նաև թրենդային: Շատ նորաձև են նաև երկրաչափական պրինտերով հագուստները:

Boyfriend style

Ամենամոդյաիկներն այսօր տղայական ոճով են: Կանացի հագուստ` տղամարդկայինի ձևվածքով: Սակայն այս  ոճն ընտրելիս չմոռանաք ավելացնել որևէ կանացի տարր՝ քարերով կոշիկներ, բրոշ կամ գլխազարդ: