Իրավական խորհրդատու
Հասարակություն
Հարց – Էլցանցը պահանջում է կատարել վճարում էլեկտրական էներգիայի դիմաց, որը կատարելուց ես հրաժարվում եմ, քանի որ մինչև օրս գրավոր պայմանագիր իմ ու էլցանցի միջև կնքված չէ: Իրավունք ունե՞ն, արդյոք, ինձանից գումարը պահանջել, եթե պայմանագիր առկա չէ:
Պատասխան – Այո, իրավունք ունեն և Դուք այդ վճարումը պարտավոր էք կատարել, քանի որ գրավոր պայմանագրի` որպես թղթային փաստաթղթի բացակայությունը, դեռ չի նշանակում, որ պայմանագիր գոյություն չունի: Ձեր բնակարանի` ցանցին առաջին փաստացի միացման պահից պայմանագիրը համարվում է կնքված:
Հարց – Ինձ պատկանող բնակարանը 6 ամսով հանձնել եմ վարձակալության: Անցած ամիս ցանկացել եմ այցելել բնակարան, պարզելու, թե ինչպես են վարձակալները բնակվում ու պահպանում բնակարանս, վարձակալը արգելել է իմ մուտքը: Նա նման իրավունք ունի՞:
Պատասխան – Այո: Վարձակալության ժամկետի ընթացքում դա համարվում է իր բնակարանը և, ի թիվս այլ իրավունքների, վարձակալն ունի բնակարանի անձեռնմխելիության, անձնական կյանքի գաղտնիության ու այլ իրավունքներ, եթե Ձեր միջև կնքված պայմանագրով այլ բան նախատեսված չէ:
Հարց – Համատիրության աշխատակիցները պարբերաբար պահանջում են վճարել աղբահանության վճարը, սպառնում են դատարան դիմելով: Ի՞նչ է հնարավոր անել:
Պատասխան – Աղբահանության վճարի հետ կապված խնդիրը լայն է ու նաև խնդրահարույց: Այս պահին նշենք միայն, որ աղբահանության վճար գանձելու հետ համատիրությունը որևէ կապ չունի:
1
2
3
4
5
2
3
4
1
2
3
4
5
