Պայքարի մեխանիկան

Համլետ Աբրահամյանը ֆեյսբուքյան իր էջում գրում է.

Եթե իրար դեմ պայքարող ուժերը իրենց հզորությամբ մոտավորապես համարժեք են պայքարը կարելի է տանել դեմ առ դեմ, ծանր ու մաշեցնող մարտերի տեսքով ու մարտավարությամբ։ Կարելի է հակառակորդին անգամ ենթարկել երկարատև և հյուծող պաշարման։ Նորից եմ շեշտում սա այն դեպքում երբ պայքարող ուժերը մոտավորապես հավասար հզորության են։

Իսկ եթե մի կողմը շատ շատ հզոր է մյուս կողմից ապա այս դեպքում ճակատային երկարատև մարտեր մղելը թույլ կողմի համար կործանարար մարտավարություն կլինի և նրա պարտության հարցը օրերի հարց է։ Եթե հզոր կողմը արհամարհի իր կորուստները ու գնա թույլին լրիվ ջախջախելու որոշման նա դա կանի շատ հեշությամբ։ Թույլից կմնա թաց տեղը իսկ հզորը կունենա որոշ կորուստներ որոնք նրա համար հաստատ ճակատագրական չեն լինի հզորության կորստի հաշվով։

Իհարկե այս ասածս չի նշանակում որ թույլ - հզոր կոմբինացիայի դեպքում թույլը պիտի ձեռքերը վեր տնկի, սպիտակ դրոշը պարզի ու հանձնվի ուժեղի ողորմածությանը։ Քավ լիցի։

Ուղղակի թույլը պիտի իր մարտավարությունը խելքով կազմակերպի։ Իր ողջ հզորությունը հավաքի մի բռունցքի տեսքով մի հատու հարված հասցնի ուժեղին, մի լավ ցավացնի նրան ու արագ հետ քաշի իր ուժերը որպեսզի ուժեղը չհասցնի նրանք հիմնովին ոչնչացնել ու սրբել երկրի երեսից։ Հետո այս նույն տմարտավարությամբ էլի պիտի շարունակել կտրուկ, հատու հարվածներն ու նահանջները այնքան ժամանակ մինչև ուժեղին լուրջ բզկտելն ու նրան մարտադաշտից փախուստի ենթարկելը։ 

Այս տակտիկան հնարավոր է որովհետև հզորը իր հզուրության պատճառով շարժունակ չէ ու շատ իներտ է։ Նա մինչև իր մկանները շարժում է որ խփի ու ոչնչացնի թույլ կողմին թույլը արդեն նրա տեսադաշտից հեռացած է լինում ու ուժեղի հարվածը փուստ է գնում։
Սա նման է ծանր քաշային բռցկամարտիկի և թեթև քաշայինի մարտին։ Միչնև ծանր քաշայինը դանդալոշ դանդալոշ շարժվում է ռինգում թեթև քաշայինը թռվռում ու հաչվածներ է տեղում նրա վրա։

Կարծում եմ այս նկարագրածս մարտավարությունը ամենահարմարն է ստեղծված ներկա իրավիճակում Հայաստանի պայքարող երիտասարդության համար։ Նրա առավելությունը իր մոբիլությունն է։ նա պիտի շատ շարժունակ մարտավարություն մշակի իր համար որպեսզի դանդալոշ իշխանությունը չկարողանա հարմարվել այդ մարտավարությոնը։