Վարդավանքում գյուղապետի արտահերթ ընտրություններ կանցկացվեն
Քաղաքականություն
Սյունիքի մարզի Վարդավանք համայնքում հաջորդ տարվա փետրվարին համայնքապետի արտահերթ ընտրություններ կկայանան։ Նոր ընտրությունների նշանակման պատճառը նախկին գյուղապետի՝ այս տարվա ապրիլին գյուղապետ ընտրված Գարեգին Կոստանդյանի մահն է։ Վերջինս մահացել է մեկ ամիս առաջ՝ հոկտեմբերի 12–ին։
«Տեղական ինքնակառավարման մասին» ՀՀ օրենքի 26–րդ հոդվածի 2–րդ մասի համաձայն՝ 2016 թվականի հոկտեմբերի 19–ին Սյունիքի մարզի Վարդավանք համայնքի ավագանին կազմել է արձանագրություն: Ըստ այդ արձանագրության՝ նախատեսվում է 2017 թ. փետրվարի 12–ին նշանակել և Սյունիքի մարզի Վարդավանք համայնքում անցկացնել համայնքի ղեկավարի արտահերթ ընտրություն:
Արտահերթ ընտրությունների անցկացման վերաբերյալ արձանագրությունն արդեն իսկ Սյունիքի մարզպետի միջոցով ներկայացվել է Տարածքային կառավարման և զարգացման նախարարություն:
Այսօր կայանալիք գործադիրի նիստում այս մասին որոշումը կներկայացվի կառավարությանը։ Այն կառավարությանը կներկայացնի նախարար Դավիթ Լոքյանը։
ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
1
2
3
4
5
3
4
5
1
2
3
4
5
