Վարչապետի մուտքով ՀՀԿ-ն շահեց վարկանիշ, բայց այնտեղ հիմա մեծ գզվռտոցներ կան. քաղտեխնոլոգ
Քաղաքականություն
Կարեն Կարապետյանի ՀՀԿ-ական դառնալով ՀՀԿ-ն շահեց նրա շատ բարձր վարկանիշը, եւ փորձելու է մարդկային կերպար ստանալ: Այս մասին, այսօր՝ նոյեմբերի 25-ին, լրագրողների հետ հանդիպման ժամանակ նշել է քաղաքական տեխնոլոգ Կարեն Քոչարյանը:
«Բայց մարդկային կերպար ստանալու համար Կարեն Կարապետյանի անդամակցությունը բավարար չէ, դրա համար պետք է ՀՀԿ-ից դուրս գան անմարդկային դեմքերը: Ոնց որ արեց «չիստկա» կառավարությունում, նույնպիսի «չիստկա» պետք է արվի ՀՀԿ-ում: Այդ դեպքում՝ մարդիկ կհավատան, որ ՀՀԿ-ն ուզում է փոխվել»,-ասաց նա:
Քաղտեխնոլոգի խոսքով, Կարեն Կարապետյանը իհարկե, կկորցնի վարկանիշ, բայց կշահի այն քաղաքական պլատֆորմը, որի մասին շատ ազնվորեն ասել էր իր 7 կետերում:
«Լինել վարչապետ, այն էլ խորհրդարանական երկրում, այն էլ ընտրություններից առաջ, չլինելով քաղաքական գործիչ, եւ չլինել կուսակցական, դժվար կլիներ գործել: Ժամանակը ցույց կտա նրա ՀՀԿ անդամ դառնալը ճիշտ էր, թե ոչ»,-ասաց նա:
Կարեն Քոչարյանը կարծիք հայտնեց, որ Կարեն Կարապետյանի ՀՀԿ անդամ դառնալն իր հետ բերելու է խնդիրներ. «Արդեն կան մեծ գզվռտոցներ. ընտրությունների ժամանակ ցուցակներ կազմելու, լծակներ ու ազդեցություն ունենալու եւ այլ հարցերով: Պարզ է, որ ՀՀԿ-ն կկորցնի, որովհետեւ ՀՀԿ-ում շատ մարդիկ կկորցնեն իրենց ազդեցությունը»:
1
2
3
4
5
1
2
3
4
5
2
3
