Կառավարությունը առաջին հերթին քաղաքական մարմին է

Միքայել Գրիգորյանը ֆեյսբուքյան իր էջում գրում է . 

Ցանկացած երկրի քաղաքացի շահագրգռված է, որ իր հայրենի կառավարությունը արդյունավետ աշխատի, և իր աշխատանքով նպաստի շարքային քաղաքացու կյանքի բարելավմանը: Հայաստանը ևս բացառություն չէ: Մեր երկրում դուք չեք գտնի գոնե մեկի, ով երբևէ չի խոսել կառավարության աշխատանքից: Մարդիկ քննարկում, խոսում են, հիմնականում կարծիքները տարբեր են լինում. մեկը բողոքում է, մյուսը՝ գովում, երրորդը ասում է՝ ինչ ուզում է լինի, կարևորը լավ լինի: Այս ամենը բնական է, քանզի մարդկանց, անկախ սեռից և տարիքից, հետաքրքրում է թե ինչ է անում այն կառավարությունը, որը ձևավորվել է հասարակության կողմից ընտրված մեծամասնությամբ:: 

Կարեն Կարապետյանի՝ իշխող Հանրապետականին անդամակցելը, մինչ օրս մնում է հասարակության կողմից ամենաքննարկվող հարցերից մեկը: Կան մարդիկ, ովքեր փորձում են այդ փաստը ծառայեցնել իրենց շահերին և ցանկացած հնարավորության դեպքում ասել՝ թե լավ չէ, որ վարչապետը անդամակցեց ՀՀԿ-ին: Բայց այդ անհատները մոռանում են, որ գործադիր ղեկավարը և նախարարները ունեն նաև քաղաքական պատասխանատվություն: 

Ցանկացած կառավարություն պետք է ունենա քաղաքական հենարան, և այս կառավարությունը առաջին հերթին Հանրապետական կուսակցության կառավարությունն է, որին ընտրել է մեր ժողովրդի ճնշող մեծամասնությունը: