Մոսկվա-Երևան չվերթի ուղևորի կյանքը փրկել չի հաջողվել
Ուշադրության կենտրոնում
Լրագրող
Երեկ 60-ամյա ուղևորի ինքնազգացողության վատանալու պատճառով Մոսկվա-Երևան չվերթի ինքնաթիռը հարկադրաբար վայրէջք էր կատարել Մինվոդի քաղաքում:
Այս մասին տեղեկացրել է քաղաքագետ Արմեն Գրիգորյանը՝ ֆեյսբուքյան իր էջում գրելով.
«Գիշերը Մոսկվա-Երևան չվերթի ինքնաթիռը հարկադրված վայրէջք է կատարել Մինվոդ քաղաքում, որովհետև ուղևորներից մեկը վատացել էր։ Ցավոք սրտի, վայրէջքից հետո բժիշկները չեն կարողացել 60-ին մոտ տղամարդու կյանքը փրկել։
Վայրէջքից հետո հարազատները ուզում էին, որ նույն չվերթում թողեն դիակը, որովհետև ֆինանսական խնդիրներ ունեին հետագայում նրան Հայաստան բերելու համար, բայց օրենքը նման բան թույլ չէր տալիս։
Երբ ուղևորներն իմանում են խնդրի մասին, որոշում են գումար հավաքել ընտանիքին օգնելու համար։ Վիդեոյում հենց այդ գործընթացն է։ Չգիտեմ ինչքան գումար է հավաքվում, բայց ինչքան հասկացա, այդ ծախսերը փակելու կամ լրիվ թեթևացնելու համար բավար գումար է հավաքվել։
Ես չգիտեմ՝ աշխարհի այլ մայրաքաղաքներ թռչող ուղևորների մոտ նման հոգատարություն կա, թե ոչ, բայց Երևան թռչող օդանավինը յուրահատուկ էր։ Միմյանց օգնելու սովորությունը խորը արմատներ ունի։ Մարդու մահը ողբերգություն է, բայց շրջապատի հոգատարությունը առնվազն կարող է կանխել դժվարությունները, եթե ոչ նաև ուժ տալ նրանց պայքարելու վշտի դեմ»։
1
2
3
4
5
2
3
5
1
2
3
4
5
