Այդ ո՞ր պատգամավորներն են կողմ բռնությանը
Ինչպես արդեն տեղեկացրել էինք ԱԺ պատգամավոր Ռուբիկ Հակոբյանը «Հրապարակ» օրաթերթի լրագրող Վահե Մակարյանին հարվածելու դեպքի առնչությամբ հարցազրույց էր տվել, որում նշել էր, որ միջադեպից հետո մի շարք պատգամավորներ ու լրագրողներ զանգել ու շնորհակալություն են հայտնել իրեն՝ ոմանց վաղեմի երազանքը իրականություն դարձնելու համար:
Թե այդ որ պատգամավորներն են կողմ լրագրողի հանդեպ բռնությանը՝ PressMedia.am-ի հետ զրույցի ընթացքում փորձեց պարզել ուրբաթ օրը ԱԺ ճեպազրույցներին մասնակցած պատգամավորներից:
ՀՀԿ խմբակցության քարտուղար Գագիկ Մելիքյանը տեղի ունեցածը բնորոշեց որպես ոչ ճիշտ մոտեցում հարցին. «Դա ճիշտ չի, սիրուն չի... Ինչ վերաբերում է զանգել ու շնորհակալություն հայտնելուն, կարող եմ ասել, որ ես չեմ զանգել»:
ՀԱԿ խմբակցության ղեկավար Լևոն Զուրաբյանն էլ ասաց. «Որքանով ես տեղյակ եմ մեր խմբակցությունից զանգող չի եղել»: Պատգամավորը հավելելեց, որ ինքը ևս քննադատաբար է մոտենում նման գործելաոճին:
ՕԵԿ խմբակցության քարտուղար Մհեր Շահգելդյանը նույնպես դեմ արտահայտվելով ցանկացած տիպի բռնությանը, նշեց. «Ես տեղյակ չեմ` զանգել են խմբակցությունից թե` ոչ, համենայն դեպս, չեմ կարծում, որ նման զանգ եղած լինի»:
ԲՀԿ խմբակցության պատգամավոր Միքայել Մելքումյանն էլ ցավալի համարելով տեղի ունեցածը, ասաց. «Ցանկացած միջադեպ ցավալի է: Ռուբիկ Հակոբյանը հայցել է ներողություն դեպքի կապակցությամբ, բայց նորից կասեմ, ցավալի է, որ նման դեպք է տեղի ունեցել»: Պատգամավորը նշեց, որ անձամբ ինքը չի զանգահարել Ռուբիկ Հակոբյանին:
Սոսե Չանդոյան
1
2
3
4
5
3
4
5
2
3
4
5
