ՀՀ-ն ստանալու է «Իսկանդեր Մ» տեսակի հրթիռային համակարգեր
Կարեն Մկոյանը ֆեյսբուքյան իր էջում գրում է .
Օրերս հայտարարվել էր, որ Հայաստանը 200 մլն դոլարի արտոնյալ վարկ է ստանալու Ռուսաստանի կողմից: Վարկային բեռի ավելացումը չի կարող չանհանգստացնել, սակայն երբ խոսքը գնում է պետության անվտանգության մասին, ապա ամեն ինչ դրվում է մի կողմ:
Տվյալ վարկը նախատեսված է ժամանակակից ռազմական տեխնիկա գնելու համար, որը մատակարարելու է հենց Ռուսաստանը: Շրջանառվող լուրերի համաձայն, այս վարկային համաձայնագրի շնորհիվ Հայաստանը ստանալու է «Իսկանդեր Մ» տեսակի հրթիռային համակարգեր: Իսկ ի՞նչ առավելություն կտա այն հայկական կողմին:
«Իսկանդեր Մ»-ը համարվում է ռուսական հրթիռաշինության լավագույն լուծումներից մեկը: Այս զինատեսակի առավելության մասին խոսում է այն, որ Ռուսաստանը այն տեղակայել է, թե Ղրիմում՝ հարկ եղած դեպքում այն ռազմական ճանապարհով պատշպանելու համար, և թե Կալինինգրադի մարզում՝ որպես պատասխան Արևելյան Եվրոպայում ԱՄՆ-ի և ՆԱՏՕ-ի կողմից հակահրթիռային պաշտպանական համակարգերի տեղակայման:
Այս զինատեսակը զգալիորեն կարող է հզորացնել հայկական կողմին: Իսկանդերների առկայությունը ուղակիորեն վտանգի տակ է դնում Ադրբեջանի մայրաքաղաք Բաքուն: Եթե մեր ունեցած «Տոչկա Ու» բալիստիկ հրթիռների հեռահարությունը կազմում էր 120 կմ , ապա իսկանդերներինը հասնում է 500-ի:
«Իսկանդեր Մ» հրթիռային համակարգը համարվում է քվազիբալիստիկ, քանի որ նրա շարժման ուղեծիրը չի ենթարկվում բալիստիկ շարժման օրենքներին: Հագեցած լինելով արդիական տեխնոլոգիաներով՝ «Իսկանդեր Մ» հրթիռային համակարգը բավական անխոցելի է հակառակորդի հակահրթիռային համակարգերի համար: Այս զինատեսակի առկայությունը կարող է նաև զգաստեցնել թշնամուն, ով նույնպես շարունակում է զինվել:
1
2
3
4
5
1
3
4
5
1
2
3
5
