Այսուհետև ՀՀ քաղաքացիները ԴԱՀԿ վերաբերյալ ծանուցումներ կստանան նաև սմս հաղորդագրության միջոցով

Մանուկ Սահակյանը ֆեյսբուքյան իր էջում գրում է . 

Ներկայումս Հայաստանում Հայաստանում առաջնահերթ ծանուցումը կատարվում է փոստային եղանակով և շատ հաճախ դրա արդյունավետությունը կասկածի տակ է դրվում տարբեր պատճառներով: ՀՀ շատ քաղաքացիների կողմից կան դժգոհություններ ոչ ճշգրիտ ժամանակին են ստանում և ակամայից ուշացնում են վճարումները։ Այսօր կառավարության նիստի ժամանակ, ներկայացնելով ՀՀ նախագահի և վարչապետի հանձնարարականների կատարումը, ասաց ՀՀ արդարադատության նախարար Արփինե Հովհաննիսյանը՝ հավելելով, որ այս բացն էլ հանգեցնում է նրան, որ քաղաքացու պատշաճ ծանուցումը հնարավոր չի լինում ապահովել: Նախարարն առաջարկում է շեշտադրում կատարել էլեկտրոնային ծանուցումների մեխանիզմի վրա. Քանի որ այսօր նույնականացման քարտերի տրամադրմանը զուգահեռ քաղաքացիներին տրվում է նաև պաշտոնական էլեկտրոնային փոստ, մենք առաջարկում ենք ծանուցումներն ուղարկել նաև այդ էլ.հասցեներին, ինչպես նաև ներդնել բջջային հեռախոսին ստացվող sms հաղորդագրության միջոցով համապատասխան ծանուցումը ստանալու համակարգ:

Պատրաստ են թե′ ՀՀ ոստիկանության, և թե՛ ՀՀ ԱՆ ԴԱՀԿ ծառայության համապատասխան հարթակները, որոնք հնարավորություն կտան ՀՀ քաղաքացիներին բջջային հեռախոսների միջոցով կամ նախընտրելի այլ եղանակով ծանուցված լինել արգելանքների կամ վարչական ակտերի մասին: Ընդ որում, քաղաքացին կկարողանա նաև իր համար նախընտրելի այլ տարբերակով ևս ծանուցվել, օրինակ, իր անունով ստացվող ծանուցումներ ստանալը լիազորել իր ընտանիքի այլ անդամներին կամ հարևանին և այլն: Նշենք նաև, որ ՀՀ ԱՆ ԴԱՀԿ ծառայությունում Ձեր վերաբերյալ հարուցված կատարողական վարույթի կամ արգելանքի վերաբերյալ SMS ծանուցումների գրանցման շտեմարանում Ձեր հեռախոսահամարը ներառելու համար ընդամենը անհրաժեշտ է բջջային հեռախոսից զանգահարել 060-57-04-02 հեռախոսահամարին և հետևելով ավտոմատի հրահանգներին, հավաքել Ձեր հանրային ծառայության համարանիշը և գրանցվել։

Գրանցվելուց հետո, եթե Ձեր վերաբերյալ Ծառայությունում հարուցվի կատարողական վարույթ, գրանցում կատարած բջջային հեռախոսահամարին կստանաք SMS հաղորդագրություն, որում նշված կլինի հարուցված կատարողական վարույթի համարը, պահանջատիրոջ անվանումը (ֆիզիկական անձի դեպքում՝ անուն, ազգանուն) և Ձեր գույքի ու դրամական միջոցների վրա կիրառված արգելանքի չափը։ Հուսամ նախագիծը կօգնի շատ ՀՀ քաղաքացիներին խուսափելու ընդգրկվել սև ցուցակներում կամ վճարել ավել՝ տուգանքների դիմաց։