Մամեդով. ԵԽԽՎ նախագահ Պեդրո Ագրամունդը գումար է ստացել Ադրբեջանից

Կայունության եվրոպական նախաձեռնությունը հրապարակել է «Խավիարային դիվանագիտություն. եվրոպական ճահիճ» վերնագրով հետաքննության երկրորդ հատվածը: Այս մասին գրում է contact.az-ը՝ վկայակոչելով ադրբեջանցի քաղաքական միգրանտների AND կազմակերպության համանախագահ Արիֆ Մամեդովի Facebook-ի գրառումը:

«Զեկույցի այս բաժնում բացահայտվում են Ադրբեջանի իշխանությունների կազմակերպած կոռուպցիոն սխեմաների աղաղակող փաստեր, որոնցում ներգրավված են եվրոպացի տասնյակ բարձրաստիճան քաղաքական գործիչներ: ԵԽԽՎ-ում Ժողովրդակա կուսակցությունից խմբի նախագահ, իտալացի խորհրդարանական Լուկա Վոլոնտեն, որի ակտիվ մասնակցությունը կոռուպցիոն մեխանիզմներին ապացուցվել է Իտալիայի դատախազության կողմից, համաձայնել է համագործակցել իտալական քննչական մարմինների հետ: Նա բազմաթիվ եվրոպացի գործիչների անուններ է նշել, որոնք գումար են ստացել Ադրբեջանից: Հետքերը տանում են մինչեւ ԵԽԽՎ գործող նախագահ Պեդրո Ագրամունդը:

Վոլոնտեն անձամբ շուրջ 3 մլն եվրո է ստացել Ադրբեջանից՝ կեղտոտ լոբբիստական ծառայությունների համար: Այդ միջոցների մի մասը նա փոխանցել է այլ պատգամավորների...

Ամենայն հավանականությամբ, զեկույցում նշվող ադրբեջանցի որոշ պատգամավորների անուններ, որոնց լուսանկարները կարող եք տեսնել զեկույցում, կարող են փոխանցվել Ինտերպոլին: Մեր AND կազմակերպությունն ակտիվորեն համագործակցում է ESİ-ի հետ: Հետաքննությունը շարունակվում է, այնպես որ՝ հաջորդ սենսացիային սպասեք»,- գրել է Արիֆ Մամեդովը: