ՆԱՏՕ–ի հետ համագործակցությունը խոչընդոտ չէ հայ–ռուսական հարաբերությունների համար. Վիգեն Սարգսյան
Header
Ղարաբաղյան հակամարտության շուրջ բանակցային գործընթացը այն պլատֆորմներից մեկն է, որտեղ համընկնում են ՀԱՊԿ–ի, ՆԱՏՕ–ի, Ռուսաստանի, ԱՄՆ—Ի եւ ԵՄ–ի շահերը։ Այս մասին «Լենտա.ռու» կայքին տված հարցազրույցում ասել է ՀՀ պաշտպանության նախարար Վիգեն Սարգսյանը։
«Հայաստան–ՆԱՏՕ համագործակցությունը սկսվել է 1994–ից, երբ Երեւանը միացավ դաշինքի «Գործընկերություն հանուն խաղաղության» ծրագրին։ Մեր զինծառայողները մասնակցում են խաղաղապահ գործողություններին, ինչը մեզ թույլ է տվել անգնահատելի հմտություններ ձեռք բերել մոլորակի տարբեր կետերում խաղաղության ապահովման գործողությունների պլանավորման եւ անցկացման համար։ Մենք, բնականաբար, ՀԱՊԿ մեր դաշնակիցների հետ կիսում ենք այդ ոլորտում ստացած գիտելիքները, փորձն ու հմտությունները»,– ասել է Վիգեն Սարգսյանը։
Ընդ որում նախարարը վստահություն է հայտնել, որ ՆԱՏՕ–ի հետ համագործակցությունը խոչընդոտ չէ հայ–ռուսական հարաբերություններում։ «Բոլոր այս տարիների ընթացքում, երբ ՆԱՏՕ–ի հետ մեր հարաբերությունները դրված են եղել պլանային հիմքում, Ռուսաստանի հետ համագործակցությունը միայն ընդլայնվել է, ինչը, մասնավորապես, դրսեւորվել է Հայաստանում ռուսական բազայի տեղակայման ժամկետների երկարաձգման, ՀՕՊ միացյալ համակարգ ստեղծման միջոցով»։
1
2
3
4
5
1
2
3
4
1
2
