Հայաստանի նախագահ Սերժ Սարգսյանը 2017–ին կայցելի Իրան
Հայաստանի նախագահ Սերժ Սարգսյանը 2017–ին կայցելի Իրան։ Այս մասին դեկտեմբերի 21-ին՝ Իրանի նախագահի հետ համատեղ մամուլի ասուլիսին, ասել է ՀՀ նախագահ Սերժ Սարգսյանը։
«Ես Հասան Ռոհանիին շնորհակալություն եմ հայտնել եկող տարի Իրան այցելելու հրավերի համար, եւ ասել եմ , որ հաճույքով ընդունում եմ հրավերը»,– ասել է Սերժ Սարգսյանը։
Խոսելով երկկողմ հարաբերությունների մասին՝ նախագահը նշել է, որ անհնար է փոխանցել դրանց խորությունը։ Սերժ Սարգսյանը նշել է, որ քիչ ժողովուրդներ կան, որոնց պատմությունն անցնում է հազարամյակների միջով, եւ հիմա նրանք շարունակում են կողք կողքի քայլել եւ հարգել միմյանց մշակույթը։ «Հայաստանը եւ Իրանը շահագրգռված են հարաբերությունների ամրացման եւ զարգացման մեջ։ Դրա վկայությունը Հայաստանի անկախանալուց ի վեր հարաբերությունների բարձր մակարդակն է»,– ասել է նախագահը։
Անդրադառնալով Հասան Ռոհանիի այցի շրջանակում ստորագրված փաստաթղթերին ՝ Սերժ Սարգսյանը նշեց, որ փաստաթղթերն ու ձեռք բերված պայմանավորվածությունները հարաբերություններին նոր խթան կան։
Երկու երկրների նախագահները քննարկել են քաղաքական խորհրդակցություններին, էներգետիկային, տրանսպորտին, գյուղատնտեսությանը, մշակույթին եւ առողջապահությանը վերաբերող հարցերի լայն շրջանակ։
Անդրադարձ է կատարվել նաեւ տնտեսական համագործակցության միջկառավարական 14-րդ նիստում ընդունված պայմանավորվածությունների կատարմանը։ Սերժ Սարգսյանը շնորհակալություն է հայտնել Իրանի իշխանություններին հայկական մշակույթի եւ համայնքի նկատմամբ շարունակական ուշադրության համար։
Նախագահը հիշեցրել է , որ երկու երկրների միջեւ շարունակվում են գզի եւ էլեկտրաէներգիայի փոխանակման ծրագրերը։ Այս ենթատեքստում կողմերը քննարկել են տարածաշրջանում էներգետիկ միջանցք ստեղծելու հարցը, որը կոչված է միավորել Սեւ ծովն ու Պարսից ծոցը, ինչն էլ հնարավորություն կտա դուրս գալ եվրոպական շուկա եւ ապրանքների տարանցում։ Սերժ Սարգսյանը նաեւ կարեւորել է վիզային ռեժիմի ազատականացման կարեւրությունը։ «Պատահական չէ, որ նախագահ Ռոհանիի այցին զուգահեռ ընթանում է բիզնես ֆորում»,– ասել է Սերժ Սարգսյանը։
Հանդիպման ժամանակ կարծիքներ են փոխանակվել միջուկային ծրագրի հարցով պատմական պայմանավորվածությունների կատարման շուրջ։ Նախագահ Սարգսյանի խոսքով՝ դա նոր հորիզոններ կբացի Իրանի ստեղծարար ժողովրդի համար եւ կխթանի տարածաշրջանային համագործակցությունը։
Նախագահները նաեւ քննարկել են իրավիճակը Մերձավոր Արեւելքում եւ ՄԱԿ բանաձեւերը։ «Հայաստանին առաջին հերթին մտահոգում է հայկական համայնքի վիճակը»,– ասել է նախագահը։
1
2
3
4
5
3
4
5
2
3
4
5
