Ինչպես Ամանորին խուսափել գիրանալուց
Wnews.am-ը գրում է .
Ամանորին հայերի սեղանները լի են համեղ ճաշատեսակներով։ Տոն օրերին, բնականաբար, դժվար է չգայթակղվելն ու հրաժարվելը համեղ ուտեստներից, ինչի արդյունքում շատերն ավելորդ քաշ են հավաքում։ Ինչպե՞ս խուսափել Ամանորին գիրանալուց. Wnews.am-ն առաջարկում է հետեւել մեր տասը կանոններին.
Տանից քաղցած դուրս մի’ եկեք.
Սա կարեւոր է մի քանի պատճառներով. եթե հյուր գնաք, հագեցած ստամոքսին ավելի քիչ կուտեք, քան քաղցած վիճակում։ Մեկ բաժակ բնական յոգուրտ, մեկ բանան կամ անյուղ պանրով սեւ հացը լավ տարբերակ է հագեցածության զգացողության համար։ Երբ քաղցած եք, ավելի շատ եք ուտում, ինչն էլ բերում է ավելորդ կիլոգրամների։
Մի’ մոռացեք բազային վարժությունների մասին.
Եթե իհարկե, դրանցով զբաղվում եք առօրյայում։ Ժամանակն այնպես պլանավորեք, որ գոնե 25 րոպե ունենաք պարապմունքների համար։ Եթե այդ տարբերակը նախընտրելի չէ, ապա գոնե աշխատեք շատ քայլել, շարժման մեջ լինել՝ հատկապես, որ քաղաքի տոնական լուսավորությունը տրամադրող է։
Բավարար չափով հեղուկ օգտագործեք.
Ծարավն ավելի քմահաճ զգացողություն է, քան սովը, քանի որ ունակ է թաքնվել սովի տակ։ Տոն օրերին հատկապես պետք է շատ հեղուկ օգտագործել, քանի որ ալկոհոլը բերում է օրգանիզմում ջրային քաղցի։ Տոն օրերին օրական 2,5 լիտր հեղուկ օգտագործեք, այն միաժամանակ հագեցած լինելու զգացողություն կտա։
Դադարե’ք Ձեզ խղճալ.
Ձեր հանդեպ այդքան բարի մի’ եղեք։ Հաճախ, տոներին մենք մեզ բռնացնում ենք մտքին, թե «չէ որ այդքան աշխատել եմ, վազել խանութներով, ուտելիք պատրաստել եւ արժանի եմ համեղ սնվելու եւ վայելելու արձակուրդս»։ Իհարկե արժանի եք, սակայն նկատի ունեցեք, որ 500 գր նիհարելու համար պետք է 3500 կկալ այրեք, մի՞թե գեղեցիկ կազմվածքն ավելի կարեւոր չէ։
Մի’ չարաշահեք ալկոհոլը.
Ալկոհոլային խմիչքների մեծամասնությունը ոչ միայն մեծ կալորիականություն ունեն, այլ նաեւ ախորժակ են բացում։ Նախապես որոշեք սահմանը՝ օրինակ երկու բաժակից ավել չեք խմելու եւ վերջ։ Անպայման ալկոհոլի արանքում ջուր խմեք, այդպիսով այն ավելի դանդաղ ազդեցություն կունենա, մյուս կողմից էլ կարող եք խուսփել հաջորդ օրվա գլխացավից։
ԿՐՃԱՏԵ’Ք ԱԽՈՐԺԱԿԸ.
Ոչ բոլոր մթերքներն են հավասարապես պայքարում քաղցի դեմ։ Բանը ոչ միայն դրանց կալորիականության մեջ է, այլ նաեւ խոլեցիստոկին հորմոնի, որը նպաստում է ավելի երկար ժամանակով ախորժակի զսպմանը, ինչը հատկապես կարեւոր է երեկոյան ժամերին։ Օրգանիզմում դրա սինթեզին նպաստում են այնպիսի մթերքները, ինչպիսիք են ձուկը, ծովամթերը, զեյթունի ձեթը, բազուկը, դդումը եւ այլն։
Քնե’ք.
Ութ ժամանոց առողջ քունը պարտադիր պայման է մարմինը տոնուսում պահելու համար եւ, վերջապես, կարող եք ձեզ թույլ տալ նման ճոխություն։ Բանն այն է, որ քնի պակասը նպաստում է քաշի ավելացմանը։
Ճիշտ սննդամթերք ընտրեք.
Տոնական ճաշատեսակները ոչ միայն շատ են, այլ նաեւ շատ բազմատեսակ, այդ պատճառով էլ մեծ ցանկություն է առաջանում բոլորը համտեսել։ Սովորեք հրաժարվել ախորժելի ճաշատեսակներից, եթե հասկանում եք, որ դրանք ավելորդ են՝ հատկապես, երբ արդեն կուշտ եք։ «Ոչ, շնորհակալ եմ» արտահայտությունը փորձեք սեղանին հաճախ կրկնել։
ԲԵՌՆԱԹԱՓՄԱՆ ՕՐԵՐ ՀԱՅՏԱՐԱՐԵՔ.
Սոված օրերի իմաստը նրանում է, որ 16 ժամվա ընթացքում կոպիտ մթերք չօգտագործեք։ Շատ ընկերություններ այսօր առաջարկում են անչափ համեղ դետոքս ծրագրեր, որոնց հիմքում հյութեր եւ սմուզիներ են։
Դանդաղ ծամեք.
Հագեցածության զգացողությունը ուղեղ է հասնում ուտելուց 15-20 րոպե հետո միայն։ Դանդաղ ծամեք, թույլ տվեք, որ սնունդն ուղեղում էլ ընդունվի, այդպիսով հեշտությամբ կարող եք խուսափել ավելորդ մթերքի ընդունումից։ Մի խոսքով, դիետոլոգների կարծիքով 20 րոպեում սնվելն իդեալական ժամանակահատված է։
1
2
3
4
5
3
4
5
2
3
4
5
