Լավ պայմանները կնպաստեն լավ սովորելուն
Միքայել Գրիգորյանը ֆեյսբուքյան իր էջում գրում է .
Այսօր Հայաստանում գործող միջնակարգ և հիմնական դպրոցների պայմանները (խոսքը վերաբերվում է շենքային պայմաններին) շատ տարբեր են: Եթե խոսենք մայրաքաղաքի՝ մասնավորապես քաղաքի կենտրոնում գործող դպրոցների մասին, ապա այստեղ ամենինչ կարգին է: Մայրաքաղաքի դպրոցների մեծամասնությունը համապատասխանում է մի շարք այլ զարգացած պետությունների դպրոցների մակարդակներին, կան նաև այնպիսիք, որոնք գերազանցում են այդ մակարդակը, և նույնիսկ այլ պետությունների մայրաքաղաքներում գործող դպրոցներ պետք է օրինակ վերցնեն: Բայց կան հաստատություններ, որոնց շենքային պայմանները, մեղմ ասած, բարվոք չեն և շտապ խնդիրների կարգավորման կարիք ունեն:
Այս հարցին ՀՀ կառավարության հերթական նիստին անդրադառձել է վարչապետ Կարեն Կարապետյանը: Գործադիրի ղեկավարը հանձնարարական է տվել համապատասխան գերատեսչություններին` դպրոցների շենքային պայմանները ուսումնասիրելու վերաբերյալ: Վարչապետը հանձնարարել է Կրթության և Գիտության, Տարածքային կառավարման և զարգացման նախարարներին, մարզպետներին և առաջարկել է Երևանի քաղաքապետին՝ ուսումնասիրել քաղաքային դպրոցների շենքային պայմաններն ու հնարավորությունները, և ներկայացնել առաջարկություններ՝ երեխաների կրթական պրոցեսը համապատասխան պայմաններում կազմակերպելու վերաբերյալ: Գործադիրի ղեկավարը հանձնարարել է երկշաբաթյա ժամկետում ներկայացնել առաջարկություններ շենքային ոչ բարվոք պայմաններ ունեցող ուսումնական հաստատությունների վերակոմպլեկտավորման կամ այլ հնարավոր լուծումների վերաբերյալ:
Սա շատ կարևոր խնդիր է, որը շտապ լուծում է պահանջում: Շատ գործող դպրոցներ չունեն հարմարավետ դասապրոցես անցկացնելու պայմաններ, ինչը առաջին հերթին վնաս է հասցնում երեխաներին:
Մարզերում կան դպրոցներ որոնք թերծանրաբեռնված են և հնարավոր է դպրոցների օպտիմալացում իրականացնել և տեղափոխել աշակերտներին լավ պայմաններ ունեցող հաստատություն, ինչը աշակետրներին և նրանց ծնողներին միայն օգուտ կբերի:
Երեխաները պետք է հարմարավետ զգան իրենց դասերի ընթացքում, քանի որ դպրոցը, ինչպես ընդունված է ասել, աշակերտի երկրորդ տունն է:
1
2
3
4
5
1
2
3
4
1
2
3
5
