Օպտիմալացում, տնտեսումներ, բարեփոխումներ. 100 օր
Blog
Միքայել Գրիգորյանը ֆեյսբուքյան իր էջում գրում է .
ՀՀ կառավարության օպտիմալացման քայլերի արդյունքում տնտեսվել է 5 միլիարդ դրամից ավելի գումար: Այս մասին այսօր հրավիրված ասուլիսի ընթացքում ասաց գործադիրի ղեկավարը: Արդյունքում ստացվում է, որ պետական մի շարք նույնանման գործառույթներ իրականացնող հիմնարկների վերակազմավորումով տնտեսվեցին հսկայական միջոցներ, որոնք հնարավոր ուղղել տարբեր այլ ծրագրերի իրականացմանը: Բայց օպտիմալացման խնդիրը լուծում է ոչ միայն տնտեսումների խնդիր, այն լուծում է պետական ծառայությունների որակի բարձրացման խնդիր: Մատուցվող ծառայությունների որակը գնալով կբարձրանա, քանի-որ մեկ հարկի տակ են հավաքվում իրենց ոլորտի լավագույն մասնագետները:
Պետական ապարատի մոբիլ լինելը նպաստում է նաև կառավարման արդյունավետության բարձրացմանը: Շատ ավելի հեշտ է կառավարել և հսկել առավել կոմպակտ ապարատ, քանի-որ հստակ գործառույթների բաշխում է լինում, և բոլորը իմանում են իրենց պատասխանատվության չափաբաժինը: Սա բխում է ժողովրդի շահերից, քանի որ շատ ժամանակ շարքային քաղաքացին չի կարողանում կողմնորոշվել թե, որ պետական կառույց պետք է դիմի իր հարցի լուծումը ստանալու համար: Նման խնդրի առաջ քաղաքացիները այլևս չեն կանգնի, ինչը ոչ պակաս կարևոր է:
Մարզերում նույնպես իրականացվում է օպտիմալացում. ՀՀ վարչապետի՝ մարզային այցելությունների ընթացքում համակարգի օպտիմալացման ուղղությամբ տված հանձնարարականների արդյունքում ՀՀ Տավուշի, Արագածոտնի, Շիրակի, Վայոց ձորի և Գեղարքունիքի մարզերում 2017 թվականին, ընդհանուր առմամբ, կտնտեսվի շուրջ 904 մլն դրամ։
Այս թվերը աննախադեպե են, բայց տարին նոր է սկսվել, և մեզ սպասվում են նորանոր ձեռքբերումներ և բարեփոխումներ:
Խնդիրները շատ են, և պահանջում են անհատական մոտեցում ինչը ժամանակատար է, բայց հնարավոր:
1
2
3
4
5
1
4
5
1
3
4
5
