Կրթության եւ գիտության նախարարությունն առաջիկա օրերին կհրապարակի Ազգային ժողովի պատգամավորի թեկնածու առաջադրվող քաղաքացու՝ հայերենին տիրապետելու հանգամանքի ստուգման թեստը: Այդ մասին NEWS.am-ի հետ զրույցում ասաց Կրթության եւ գիտության նախարարության իրավաբանական վարչության պետ Լուսինե Գրիգորյանը:
Լ. Գրիգորյանի խոսքով՝ այս պահին թեստերը կազմող աշխատանքային խումբն աշխատում է՝ կատարելով վերջնական տեխնիկական շտկումներ, եւ, ամենայն հավանականությամբ, առաջիկա երկու օրերին թեստերը կհրապարակվեն:
Թեստերի պաշտոնական հրապարակմանը հաջորդող 10-րդ օրվանից կընդունվեն հայերենին տիրապետելու հանգամանքի ստուգման թեստը հանձնելու դիմումներ ԱԺ պատգամավորի թեկնածու առաջադրված քաղաքացիներից:
Թեստը բաղկացած է լինելու 30 հարցից՝ հիմնվելով հայոց լեզու առարկայի հանրակրթական ծրագրի վրա. որպես անցողիկ միավոր ընտրվել է 27-ը: Թեստի յուրաքանչյուր հարցը գնահատվելու է մեկ միավոր: «Համակարգչային ծրագիրը, թեստը ձեւավորելուն զուգահեռ, վերջում դուրս կբերի նաեւ ճիշտ պատասխանները, ինչը կբացառի սուբյեկտիվիզմի գործոնը: Այդ հանգամանքը նաեւ թույլ է տալիս, որ թեստն ընդունող հանձնաժողովը բաղկացած լինի հայոց լեզվի մասնագետներից»,-ասաց Լ. Գրիգորյանը:
Հիշեցնենք, որ կրթության նախարարի հրամանի համար հիմք է հանդիսացել ՀՀ ընտրական օրենսգրքի 80-րդ հոդվածի 3-րդ մասը, որտեղ ԱԺ պատգամավոր ընտրվելու համար, ի թիվս այլ չափանիշների, սահմանվել է նաև հայերենին տիրապետելու պահանջ: Հոդվածի 3-րդ մասը սահմանում է. «Հայերենին տիրապետելու հանգամանքը հավաստվում է ուսումնական հաստատություններում հայերենով կրթություն ստացած կամ կրթական ծրագրերով նախատեսված հայոց լեզու առարկայի ուսումնառությունն ավարտած և ամփոփիչ ատեստավորում անցած լինելու վերաբերյալ ուսումնական հաստատությունների կողմից տրված ավարտական փաստաթղթով (վկայական, ատեստատ, դիպլոմ): Հայերենին տիրապետելու հանգամանքը հավաստող ավարտական փաստաթղթի բացակայության դեպքում հայերենին տիրապետելու հանգամանքը ստուգվում է Հայաստանի Հանրապետության կրթության և գիտության նախարարության սահմանած կարգով, որը պետք է նախատեսի հայերենին տիրապետելու հանգամանքի ստուգման ողջամիտ, օբյեկտիվ չափորոշիչներ, ինչպես նաև գործընթացի վերահսկողության ընթացակարգեր: Ստուգման արդյունքները եռօրյա ժամկետում կարող են բողոքարկվել դատարան»:
Համաձայն հաստատված կարգի` Ազգային ժողովի պատգամավորի թեկնածու առաջադրվող քաղաքացու` հայերենին տիրապետելու հանգամանքի ստուգումն իրականացվում է թեստավորման միջոցով, որի արդյունքում տրվում է համապատասխան տեղեկանք: Ըստ կարգի` տեղեկանք ստանալու համար քաղաքացին պետք է դիմի ՀՀ կրթության և գիտության նախարարություն:
1. Համարակալված բառերում բաց թողած տառերը (տառակապակցությունները) պատասխանների ո՞ր շարքում են ճիշտ նշված:
Ի վերջո նա որոշեց վրեժխն-իր (1) լինել մորիցª իրեն նե-ահարելու (2) համար և արտասովոր գեղեցիկ մի ոսկեզ-ծ (3) թիկնոց ու-արկեց (4) նրան:
1. (1) թ, (2) դ, (3) ո, (4) ղղ
2. (1) տ, (2) թ, (3) ե, (4) խ
3. (1) դ, (2) տ, (3) օ, (4) ղ
2. Համարակալված բառերում բաց թողած տառերը պատասխանների ո՞ր շարքում են ճիշտ նշված:
Թավրիզում երեկոն ի-նում (1) էր աղո-քի (2) կանչող մոլլաների ձայնին զուգըն-աց (3):
1. (1) չ, (2) տ, (3) դ
2. (1) ջ, (2) թ, (3) թ
3. (1) ճ, (2) տ, (3) բ
Ուղղախոսություն
1. Ո՞ր բառում է ընդգծված ո-ն արտասանվում վօ.
1) եռոտանի
2) կարճաոտ
3) ցածրորակ
2. Ո՞ր բառում է ընդգծված ո-ն արտասանվում վօ.
1) չափորոշիչ
2) արջաորս
3) կրծոսկր,
1. Ո՞րն է բառի ճիշտ բացատրությունը:
1) ադամորդի - մարդ արարած
2) անպաճույճ - առանց սխալվելու
3) ծանծաղ - մեծ խորություն ունեցող
2. Ո՞րն է բառի ճիշտ բացատրությունը:
1) սրվակ - ապակյա փոքրիկ անոթ
2) բախտակ - բախտավոր
3) գրգամոլ - դժվար կյանք սիրող
3. Ո՞րն է բառի ճիշտ բացատրությունը:
1) երկարաճիտ - երկար վիզ ունեցող
2) հելլեն - չինացիների հին անունը
3) վարազ – որսկան շուն
1
2
3
4
5
3
4
5
2
3
4
5
