Հայաստանում ինչ-ինչ պատճառներով արգելափակվում է արևային էներգետիկայի զարգացումը
Մանյա Հայրապետյանը ֆեյսբուքյան իր էջում գրում է.
Հայաստանում ինչ-ինչ պատճառներով արգելափակվում է արևային էներգետիկայի զարգացումը. այսօր հրավիրված ասուլիսին նման տեսակետ հայտնեց «Հայաստանի հելիոֆիկացիայի ծրագրի» հեղինակ, տեխնիկական գիտությունների դեկտոր Վահան Համազասպյանը:
Նա երկար տարիներ աշխատելով այս ուղղությամբ՝ ասաց, որ տեխնիկական հարցերը լուծված են, և իրենք պատրաստ են սերիական արտադրության, որի հիմնական մասը կարող են արտահանել և որի պահանջարկը կա:
«Մենք կարող ենք գործարանային արտադրություն սկսել և 400-ից 500 մասնագետ ներգրավել այս ոլորտում»,-ասաց նա՝ հավելելով, թե արևային էներգիան աշխարհի ուշադրության կենտրոնում է, իսկ արևոտ երկրներում, ինչպիսին նաև Հայաստանն է, կարելի է օգտագործել այս համակարգը և նվազեցնել էներգետիկ կախվածությունը:
Նրա հաշվարկով՝ արևային էներգիայի 1 կիլովատտի ինքնարժեքը 0,32 դրամ է: Ըստ մասնագետի՝ 700 մլն դոլար ներդնելով գյուղական բնակավայրերում՝ կարելի է ապահովել 60% էներգախնայողություն:
Նա վստահեցնում է, որ արևային համակարգի ներդրումը գյուղատնտեսական արտադրության համար «չափազանց լավ պրոդուկտ է»:
Վահան Համազասպյանն արդեն առաջարկ է ստացել ՌԴ Կեմերովսկի շրջանից և բանակցություների մեջ է: Համակարգով հետաքրքրված են նաև գերմանացի, շվեդ մասնագետները:
Թե ինչու է երկար ժամանակ արգելափակվում արևային տեխնիկայի զարգացումը՝ նա կարող է ենթադրել, որովհետև մեծ գումարներ աշխատելու մասին է խոսքը: «Հարգելի էլցանցերի ղեկավարներ, դուք կործանում եք Հայաստանը՝ տարածելով մասսայական կաշառակերության փաստը, որի դեմ պետությունը ցույց է տալիս իր անզորությունը»,-ասաց նա՝ հավելելով, թե ոլորտի զարգացման առնչությամբ պատասխանը միշտ նույնն է՝ վաղաժամ է այդ ուղղությամբ աշխատել:
Կից նյութն այստեղ
1
2
3
4
5
1
3
4
5
1
2
3
5
