Եթե մեր իշխանությունները կուլ են տվել Մարտի 1-ի դեպքերը, ապա նրանք դեռ շատ բաներ կուլ կտան. Մ.Դանիելյան

Ինչպես հայտնում է Orer.am-ը, այս պահին Ազատության հրապարակում են գտնվում մի քանի տասնյակ քաղաքացիներ, որոնց թվի մեջ են մտնում նաեւ «Ո'չ թալանին» նախաձեռնության անդամներից Վաղինակ Շուշանյանը եւ Մաքսը:

Տեղեկացնենք, որ քաղաքացիները, խմբերով հավաքված, քննարկում են մինչ օրս տեղի ունեցած զարգացումները՝ փորձելով հասկանալ, թե ինչ քայլերի հաջորդականություն է գործելու մոտ ապագայում: Իրավապաշտպան Միքայել Դանիելյանը, խոսելով այսօր առավոտյան իրականացված ոստիկանական գոծողությունների վերաբեյա,լ նշեց. «Պետք է նշեմ, որ ես անձամբ չեմ տեսել կապտուկներով կամ վնասվածքներով մարդկանց: Մեր կազմակերպություն որեւէ ահազանգ չի եղել»:

Այն պնդմանը, որ թեպետ ոստիկանության կողմից խոստացվել էր ուժ չկիրառել ցուցարարների նկատմամաբ, այնուամենայնիվ, եղան մարդիկ, որոնց վրա կապտուկներ հայտնվեցին, իրավապաշտպանը զարմանք արտահայտելով նկատեց. «Իսկ ի՞նչ է, ձեզ թվում է, թե ա՞յլ կերպ պետք է վարվեին: Իշխանության դեմ խոսողներին միշտ էլ նման ձեւով են վերաբերվում: Մեր իշխանության եւ նրա բոլոր օղակների համար նման գործելաոճը նորմալ է»:

Միքայել Դանիելյանը որպես օրինակ բերեց Մարտի 1-ին տեղի ունեցած դեպքերը. «Հայաստանում Մարտի 1-եր կարող են դեռ շատ լինել, դա նորմալ է ու խնդիր չէ շատերի համար: Եթե մեր իշխանությունները կուլ են տվել Մարտի 1-ի դեպքերը, ապա նրանք դեռ շատ բաներ կուլ կտան»:

Խոսելով երկրում իրականացվող տարբեր բարեփոխումների վերաբերյալ՝ իրվապաշտպանը նշեց. «Մեր երկրում բոլորը խոսում են բարեփոխումներից` անգամ նախագահը, բայց ոչ մի բարեփոխում էլ չկա ու չի էլ լինելու»:

Աննա Իսկանդարյան

Աղբյուրը՝ Orer.am