Գյումրու բիզնես ոլորտը մշատական ուշադրության կենտրոնում է

Միքայել Գրիգորյանը ֆեյսբուքյան իր էջում գրում է . 

Գյումրին(Լենինականը) դեռ խորհրդային ժամանակներից Հայաստանի գլխավոր արդյունաբերական կենտրոններից էր: Այնտեղ ստեղծվել էր բազմաճյուղ արդյունաբերություն տեքստիլ-տրիկոտաժի, մեքենաշինական, շինանյութերի, սննդի, կոշիկի, կարի, փայտամշակման, ապակու և այլն)։ Քաղաքի ավելի քան 50 ձեռնարկություններում աշխատում էր մոտ 40 000 բանվոր-ծառայող, թողարկվում էր ավելի քան 700 տեսակ արդյունաբերական ապրանք: Գյումրու բամբակե գործվածքեղենի արտադրությունը տալիս էր քաղաքի համախառն արյունքի կեսից ավելին: Տեքստիլ-տրիկոտաժի ոլորտը խոշորագույններ ԽՍՀՄ-ում և ամենա խոշորը Հայաստանում: Բայց 1988թ.-ին տեղի ունեցած ողբերգական իրադարձություններից հետո ամենինչ փոխվեց: Երկրաշարժը վայրկյանների ընթացքում կործանեց քաղաքի մեծ մասը, այդ թվում՝ գործարանները: 

Աղետից հետո, խոշոր արդյունաբերական քաղաքը այլևս չուներ հնարավորություն վերականգնելու ժամանակին ունեցած իր արտադրությունը: Շատ բաներ Գյումրիում կարգի է բերվել, ձեռնարկություններ են բացվել, ժամանցային կենտրոններ բայց այդ ամենը քիչ է, և պետք են նոր գաղափարներ:
Երեկ վարչապետը ընդունել է Գյումրիում գործունեություն ծավալող տնտեսվարողներին, լսել նրանց խնդիրները և առաջարկությունները՝ գործարար միջավայրի բարելավման հետ կապված: Տնտեսվարողները կառավարության ղեկավարին են ներկայացրել իրենց ծրագրերը, որոնք տարբեր ոլորտներին են վերաբերվում: Շոշափվեց նաև հարկային արտոնություններ տրամադրելու հարցը: 

Գործադիրի ղեկավարը տնտեսվարողներին առաջարկել է ծրագրերն ավելի առարկայական քննարկելու համար ամփոփել ու կոնկրետացնել դրանք և նշել է, որ այդ գործում ևս կառավարությունը պատրաստ է աջակցել գործարարներին: Ըստ անհրաժեշտության կառավարությունը կտրամադրի խորհրդատվական ծառայություններ ՝ Կենտրոնական բանկի, Տնտեսական զարգացման և ներդրումների նախարարության, այլ ոլորտների հարթակների հիման վրա: 

Ցանկացած խելամիտ ծրագիր, որը կարող է փոխել իրավիճակը Գյումրիում պետք է քննարկվի և կյանքի կոչվի: Վարչապետը նշել է, որ կառավարությունը պատրաստ է քննարկել յուրաքանչյուր բիզնես առաջարկ և կախված դրա տրամաբանությունից ու ակնկալվող արդյունքներից՝ հետաձգել արտադրության նպատակով ներկրված ապրանքի համար ԱԱՀ վճարի ժամկետը:

ԱԱՀ վճարի ժամկետի հետաձգումը բավականին մեծ խթան կհանդիսանա նոր զարգացող ձեռնարկատիրության համար, և վստահ եմ նույնիսկ մեկ գործարարի հաջողությունը կոգևորի մնացածներին, իսկ այդ ժամանակ զարգացումն անխուսափելի կլինի