10 տարօրինակ բաներ, որոնք գրավիչ են համարվում այլ երկրներում

Գեղեցկության եվրոպական ստանդարտները հասկանալի և մոտ են մեզ, սակայն այլ երկրներում ամեն ինչ հակառակը կարող է լինել: Սա ապացույց է այն բանի, որ Ձեր արտաքին տեսքը ոչ բոլորը կհավանեն աշխարհում:

Ծուռ ատամներ

Ճապոնիա

Արևմտյան երկրներում գեղեցիկ է համարվում հարթ ժպիտը, և թվում է, թե ուրիշ ձև հնարավոր էլ չէ: Սակայն ոչ, Ճապոնիայում հակառակն է. այնտեղ նորաձև է համարվում «yaeba»-ն՝ այսպես կոչված ծուռ ատամը: Նրանք կարծում են, որ դեմքը մի քանի անգամ ավելի գեղեցիկ և նուրբ է դառնում հենց այս ատամի շնորհիվ:

Այս թրենդի պատճառով Ճապոնիայում ոչ միայն աղջիկները, այլ նաև տղաները հերթ են կանգնում ատամնաբույժի սենյակի դռան առջև:

Սպիներ

Արևմտյան Աֆրիկա, Նոր Գվինեա

Նոր Գվինեայի և նաև աֆրիկական մի քանի այլ երկրների բնակիչները մինչ օրս իրենց մարմինը զարդարում են նախշերի ձև ունեցող սպիներով: Տղամարդկանց մոտ դա անում են հիմնականում ձեռնադրման արարողությունների ժամանակ, իսկ կանանց դեպքում սպիները համարվում են գեղեցկության նշան: Ի դեպ՝ աֆրիկական մի քանի երկրներում սա նույնպես համարվում է նորաձևության և շքեղության խորհրդանիշ:

Սրտաձև դեմք

Հարավային Կորեա

Հարավային Կորեայում պլաստիկ վիրահատությունները ոչ միայն շատ տարածված են, այլև արդեն իսկ նորմ են համարվում: Քաղաքներում ամեն քայլափոխի փակցված են պաստառներ, որոնք առաջարկում են բարելավվել արտաքին տեսքը:

Գեղեցկության գրավական է համարվում սրտաձև դեմքը: Հանուն դրա կորեացիները գնում են չափազանց բարդ վիրահատությունների. սկզբում ծնոտի ոսկորը կոտրում են՝ բաժանելով այն երեք մասի: Այնուհետև մեջտեղի մասը հեռացվում է, իսկ մյուս երկուսը իրար են միացվում՝ կազմելով ավելի սրացած ծնոտ: Այնուհետև հեռացվում են անկյունները, և ահա ամեն ինչ պատրաստ է:

Վիրահատությունից հետո երկար ժամանակ չի թույլատրվում կոշտ սնունդ ընդունել: Նոր դեմքը նաև կարող է վատ արձագանքել եղանակային պայմաններին:

Ավելորդ քաշ

Մավրիտանիա

Մավրիտանացի աղջիկները ոչ մի շանս չունեն տղամարդկանց ուշադրությանն արժանանալու, եթե որովայնի հատվածում ճարպեր չունեն:

Դրա համար երիտասարդ տարիքում իրենց դուստրերին ծնողները ուղարկում են հատուկ «ֆերմա», որտեղ վերջիններիս կերակրում են: Օրական միջինում աղջիկներն ընդունում են 16 հազար կիլոկալորիա (սովորաբար այդ տարիքի աղջիկների համար նորման 1500 կկալն է): Այս սովորույթի պատճառով շատ աղջիկներ առողջական խնդիրներ են ունենում:

Վիրահատական վիրակապեր՝ դեմքի վրա

Իրան

Իրանը ռինոպլաստիկայի մայրաքաղաքն է: Չնայած բարձր գներին՝ և՛ կանայք, և՛ տղամարդիկ պատրաստ են ամեն ինչի, միայն թե ուղիղ քիթ ունենան: Նրանց համար դա ոչ միայն գեղեցկություն է, այլ նաև հատուկ դիրք՝ հասարակության մեջ:

Սակայն ամենատարօրինակը դա չէ: Եթե մարդը երբևէ չի արել ռինոպլաստիկա, ապա կարող է ուղղակի վիրահատական վիրակապով շրջել փողոցում, որպեսզի բոլորին հակառակը թվա:

Սպիտակ մաշկ

Չինաստան, Թայլանդ

Ասիայի շատ հատվածներում բաց գույնի մաշկը համարվում է գեղեցկության էտալոն: Եթե մտնեք խանութ և ցանկանաք դեմքի խնամքի միջոց գնել, ապա դժվար թե գտնեք այնպիսի մեկը, որը չունենա սպիտակեցնող էֆեկտ: Դա վերաբերում է անգամ տղամարդկանց սափրման փրփուրներին: Լողափերին գրեթե ոչ մի չինացի չի հայտնվում առանց առևապաշտպան դիմակի: 

Չինացիներն ու թայլանդցիները շատ են զարմանում, երբ իմանում են, որ եվրոպական երկրներում կանայք արհեստական արևայրուքներ են ընդունում:

Լայն ճակատ

Ֆուլբե ցեղ

Աֆրիկական Ֆուլբե ցեղի կանանց գեղեցկության ամենակարևոր կետը նրանց բարձր ու լայն ճակատն է համարվում: Այդ իսկ պատճառով նրանցից շատերը հեռացնում են մազերի մի մասը, որն էլ օգնում է ճակատին ավելի մեծ երևալ:

Այդպիսի ժամանակաշրջան եղել է նաև միջնադարյան Եվրոպայում, երբ կանայք ճակատից վերև գտնվող մազերի գրեթե կեսը հեռացնում էին:

Երկար պարանոց

Մյանմա

Արևելյան Մյանմայի շրջաններից մեկն անվանում են «ընձուղտ-կանանց երկիր»: Այստեղ կանայք և աղջիկները հատուկ հաստ օղակներ են կրում իրենց պարանոցներին, քանի որ համարում են, որ ինչքան երկար է պարանոցը, այնքան գեղեցիկ են նրանք:

Համաձայն լեգենդի՝ այս օղակները մի ժամանակ նրանց պաշպանել են վագրերից, սակայն այժմ այն միայն գեղեցկության գրավական է համարվում:

Լայնացած շուրթեր

Մուրսի ցեղ

Եթովպական այս ցեղի աղջիկները հատուկ սկավառակների միջոցով լայնացնում են իրենց շուրթերը: Ինչքան ավելի մեծ է սկավառակը, այդքան ավելի բարձր է աղջկա սոցիալական դիրքը և այդքան շատ պետք է վճարեն նրա համար հարսանիքից առաջ:

Այս տարօրինակ սովորույթի առաջացման երկու վարկած կա: Առաջինն այն է, որ մուրսիները հավատում են, որ բերանի միջով չար ոգիներ կարող են մտնել մարդու մեջ, իսկ սկավառակները կանխում են դա: Երկրորդ տարբերակն այն է, որ մուրսիները սկսել են անել դա, որպեսզի որպես ստրուկ չգնեն իրենց:

Իրար միացած ունքեր

Տաջիկստան

Տաջիկստանի մի քանի շրջաններում կանացի գեղեցկության ստանդարտներից մեկը համարվում է «միհոնքանիությունը»: Եթե բնությունը աղջկան չի օժտել այդ առանձնահատկությամբ, ապա վերջինս կարող է սև գույնով ներկել առանձնացված հոնքերի մեջտեղի հատվածը:

Տեղացիները համոզված են, որ սա հաջողակության և բախտավորության նշան է: Գեղեցկության այս առանձնահատկությունները տարօրինակ են թվում, երբեմն նաև բարբարոսական, սակայն ի՞նչ կլինի, եթե նայենք հենց մեր սովորույթներին: Ծակել ականջները, որպեսզի ականջօղ մտցնենք դրա մեջ, քայլել անհարմար բարձրակրունկներով, որպեսզի ոտքերն ավելի երկար երևան: Տարօրինակ չէ՞: