Երկակի խաղ : Ռուսաստանի սիրելի զբաղմունքը...

Ուշադրության կենտրոնում 6 Հուլիս, 2015 21:57

Սուրեն Ավդալյանը ֆեյսբուքյան իր էջում գրում է.

Հայաստանում «Իսկանդերներ» տեղակայելու նպատակը Հարավային Կովկասում Ռուսաստանի դաշնակցի անվտանգության ապահովումն է,- Ա. Խրամչիխին :

Հայաստանում տեղակայվել են Ռուսաստանից գնված «Իսկանդերներ» : Ռուսական «Իսկանդերները» կարող են օգտագործվել տարածաշրջանի ցանկացած երկրի դեմ, այդ թվում՝ Ադրբեջանի : Սա շատ լավ հասկանում են թե՛ Ադրբեջանում, թե Ռուսաստանում : Բայց մինչ Հայաստանին « զինելը », Ռուսաստանը պաշտպանական համակարգեր՝ Ս-300 ՊՄՈՒ-2 վաճառեց Ադրբեջանին :

Ստացվում է, որ ՌԴ-ն Հայաստանին զինում է առանց պայմանների, այսինքն ազատություն է տալիս վաճառված զենքի օգտագործման մեջ, սակայն միևնույն ժամանակ սահմանափակում է այդ ազատությունը, պաշտպանական համակարգեր վաճառելով Ադրբեջանին :

Եթե Ս-300 ՊՄՈՒ-2-ները մարտական վիճակի բերված չլինեն, ապա Հայաստանի հանկարծակի հարվածի դեպքում դրանք չեն հասցնի գործել :

Սակայն եթե Ադրբեջանը անտեսելով բոլոր գործոնները, շարունակում է Հայաստանի և ԼՂՀ սահմաններին պահել լարվածությունը, հրդադարի ռեժիմի շարունակական խախտումների տեսքով, ապա կասկածից վեր է, որ նրանց բոլոր պաշտպանական համակարգերը գիշեր ու ցերեկ մարտական վիճակի են բերված :

Սակայն բացի այս ամենից, կա նաև Հայաստանի Ռուսաստանից լիարժեք կախվածության հանգամանքը : Այսինքն, նորյնիսկ եթե պաշտոնապես Ռուսաստանը Հայաստանին ազատություն է տալիս գնված զենքն օգտագործելու համար, ապա միևնույնն է Հայաստանն առանց « մեծի թույլտվության » չի համարձակվի գործի դնել «Իսկանդերները» :

Հ.Գ. Ռուսաստանը միշտել սիրել է, բոլորին կախվածության մեջ պահել իրենից, և ստեղծել ընդհանուր մի բան, որ կղեկավարվի Մոսկվայից : Նման օրինակ էր ԽՍՀՄ-ը :
Եվ մինչ այսօր հետխորհրդային, բայց արդեն անկախ պետություններց մի քանիսը, չեն կարողանում ազատվել այդ “ սովետական սինդրոմից ” :

Իրոք անկախ լինելու համար, նախ պետք է հոգեբանական առումով անկախ լինել, իսկ ինչպես երևում է, մեր ղեկավարությունը լուրջ հոգեբանական խնդիրներ ունի :