Հայ անուն կրող ժողովուրդն արդեն քանի դար է իր ճակատագիրը թողել է քամուն

Հրանտ Ավետիսյանը ֆեյսբուքյան իր էջում գրում է.

Հայ անուն կրող ժողովուրդն արդեն քանի դար է իր ճակատագիրը թողել է քամուն, որտեղ և ում մոտ կգցի նրան էլ կծառայի:

"Հայը" անկախ ապրել չի ցանկանում, սա մի տեսակ է, որը ցանկանում է անմնացորդ տրվել ցանկացած ազգերին և անել անհնարինը, միայն ասեն, որ այս ժողովուրդը տաղանդավոր ծառա է: Դրա վառ ապացույցն է օտար երկրներում ապրող մեր հայրենակիցները: Իհարկե, սա օրինակ է, բայց դրսի հայերը իրենց հաճույքի համար չլքեցին հայրենիքը, այլ ռեժիմի պատճառով, որը բթացնելով մարդկանց թույլ չէր տալիս ծավալուն հնարավորություններով հանդես գալ թե՛ հայրենիքի, և թե՛ իրենց անձնական ապագայի համար:

Ես տեսնում եմ, որ մտածող ու խելացի մարդիկ անում են ամեն ինչ այս տեսակին իր մեջ վերադարձնելու համար, որպեսզի ճանաչեն ու հասկանան իրենց իրական դեմքն ու իսկությունը։ Բայց ես կասեի, որ ինչքան այդ գործընթացի վրա անսպառ ջանքեր են դրվում, այնքան մեր ժողովուրդը ավելի ու ավելի է հեռանում ինքն իրեն ճանաչելուց և իր տան տերը լինելուց: 21-րդ դար, լուսավոր ու պայծառ, զարգացած ազգերը մոտ ապագայում այլ մոլորակներ կգնան նոր լույս վառելով կյանքի նոր ուղիներում ՝ այն դարձնելով էլ ավելի բովադակալից և հետաքրքիր։ Բայց մեզ հայ կոչվածներիս երբեք ու երբևիցե ոչինչ չի հետաքրքրել, բացի ծառայելուց:

Դիտեք դարերով եկած մեր մեծամեծ հանճարներին բոլոր բնագավառներից, և կտեսնեք, որ նրանք բոլորն էլ հանճար էին․ օտարի լծի տակ ստեղծագործել ու արարել են նրանց մեջ: Ի՞նչ եք կարծում, եթե իսկապես հայերը այդ ամենը ներդնեին իրենց վրա, մի՞թե այսօր տեսակ կկոչվեին այլ ոչ թե ազգ: Մենք ինքնակոչներ ենք, որ իսկապես այդ տաղանդավոր ազգի հետ ոչ մի ընդհանուր բան չունենք, որոնք վաղուց վայրի ցեղերի անընդմերթ հարձակումներից վերացան աշխարհի երեսից:

Այսօրվա եգիպտացի արաբները իրենց եգիպտացի են համարում, բայց նրանք ոչ մի կապ չունեն հնագույն ազգ կոչվող ղպտի եգիպտացիների հետ, որոնք նույնպես բարբարոս ազգերի հարձակումներից ոչնչացան՝ ինչպես իսկական հայերը:

Բացառությամբ այն քչաքանակ չնչին Հայերից, որոնք պահպանելով իրենց դեմքն ու իսկությունը տառապում են սեփական Հայրենիքում այս տեսակ կոչվածների մեջ: