Արեւելյան Ուղղափառ-Կաթոլիկ միջեկեղեցական երկխոսության հաջորդ նիստը կլինի ՀՀ-ում. օրակարգում ապաշխարհության հարցն է
Հասարակություն
Հռոմում, հունվարի 28-ին, ավարտվել է Արեւելյան Ուղղափառ-Կաթոլիկ միջեկեղեցական երկխոսության միջազգային աստվածաբանական միացյալ հանձնախմբի թվով տասնչորսերորդ նիստը:
Մայր Աթոռի տեղեկատվական համակարգից NEWS.am-ին հայտնում են, որ հանդիպման ժամանակ քննարկվել են Ս. Հաղորդության խորհրդի պատմական զարգացմանը, ծիսական-աստվածաբանական եւ եկեղեցաբանական արտահայտումներին առնչվող հարցեր:
Երկխոսության համար նախատեսված «Ս. Հաղորդության խորհուրդը եւ Եկեղեցին» թեմայի վերաբերյալ իրենց աստվածաբանական զեկույցները ներկայացնելուց հետո, հունվարի 28-ի նիստի ժամանակ միացյալ աստվածաբանական հանձնախմբի անդամները քննարկեցին նաեւ հետագա հանդիպման մանրամասները:
Հանձնախումբը, ընկալյալ հերթագայության համաձայն, հաջորդ նիստը գումարելու է Մայր Աթոռ Սուրբ Էջմիածնում, 2018 թվականի հունվարի 29-ից փետրվարի 5-ը՝ բարձր հյուրընկալությամբ եւ օրհնությամբ Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի:
Հանդիպման քննարկման նյութ են լինելու երկու եկեղեցական ընտանիքներում Ապաշխարության, Ձեռնադրության եւ Հիվանդաց օծման սրբազան խորհուրդների շուրջ ձեւավորված ընկալումները եւ ծիսական-աստվածաբանական առանձնահատկությունները:
1
2
3
4
5
1
2
3
4
5
1
2
3
4
5
