«Մենք ենք տերը մեր երկրի»... Ինչի՞ հասավ մեր երիտասարդությունը
Ռուբեն Շուխյանը ֆեյսբուքյան իր էջում գրում է.
«Մենք ենք տերը մեր երկրի»... Վերջապես, ինչի՞ հասավ մեր երիտասարդությունը: Ամենակարևորը. վստահությամբ կարելի է առաջին հերթին արձանագրել հայ երիտասարդների մոտ՝ ազգային ինքնության զարթոնքի աննադեպ վերելք: Հիմա արդեն մենք հանգիստ ենք՝ այլևս ունենք մի նոր սերունդ, որը խոսում ու մտածում է, երգում ու պարում է՝ բացառապես ՀԱՅԵՐԵՆ, և իր ազգային արժանապատվությունն ամենից բարձր է դասում մնացած ամեն ինչից: Հպարտ եմ մեր ջահելների համար՝ նրանք բարձր պահեցին մեր ազգի թասիբը...
Բաղրամյանական ցույցերի հենց առաջին օրն էր, երբ ռուսական խորհրդարանի պատգամավոր կոմունիստ Ռաշկինը Հայաստանի իշխանություններին «խորհուրդ» տվեց երկրից վտարել ԱՄՆ դեսպան Ռիչարդ Միլսին: «Եթե ես լինեի Հայաստանի իշխանությունների փոխարեն՝ ապա վաղուց արդեն վտարել էի ամերիկացի սադրիչ դեսպանին»,- ասել էր նա: Այսինքն, սա արդեն այն պահն էր, որ հասել էինք այն եզրագծի, որ մեկ այլ երկրի սովորական քաղաքական գործիչ արդեն իրեն իրավունք էր վերապահում գեոպոլիտիկ բնույթի ցուցումներ տալ հայաստանցի առաջին դեմքերին:
Իսկ մայիսին Երեւանում գտնվող Ռուսաստանի կրթության նախարար Լիվանովը հայտարարեց, թե ըստ իրենց հաշվարկների, Հայաստանում բնակչության զգալի հատվածը խոսում է ռուսերեն: Ըստ այդմ էլ, ինչպես ասաց նա, «անհրաժեշտ է պայմաններ ստեղծել նրանց համար»: Թե ինչ հաշվարկների հիման վրա էր դա ասվում՝ նա չէր մանրամասնել: Հարց է առաջանում, ինչու՞ էին նրան միտումնավոր սխալ ինֆորմացիա տվել: Եթե այդ կտրվածքով նայենք, ապա ներկայիս մեր նոր սերնդի համար թերեւս անգլերենն ավելի ընկալելի է, քան ռուսերենը:
Էլ չեմ ասում, որ մեզ մոտ բնակվող տասնյակ հազարավոր սփյուռքահայերի համար՝ ռուսերենն ընդհանրապես ընկալելի չի: Իսկ թե ինչ «պայմանների» մասին էր ասում այդ օտարերկրյա պաշտոնյան՝ դժվար չէ ենթադրել. ռուսական տարբեր շրջանակներ պարբերաբար բարձրացնում են Հայաստանում ռուսերենին պետական կարգավիճակ տալու և ռուսական դպրոցներ բացելու խնդիրները:
Այ թե ուր էինք հասել: Լավ ասացվածք կա. «Նախ՝ հարգիր ինքնդ քեզ, որ հետո ուրիշներին կարողանաս պարտադրել քեզ հարգելը»:
1
2
3
4
5
1
3
4
5
1
2
3
5
