Առաջարկություն երիտասադությանը

     

Առաջարկում եմ, այսուհետև Օպերայի Հրապարակը կոչել միայն Ազատության, իսկ Բաղրամյան պողոտան՝ Ազատության պողոտա: Ամենուր փակցնելով ցուցանակներ, կավիճով գեղեցիկ գեղարվեստական ոճերով պատկերել Ազատության Հրապարակից, Ազատության մայրուղիով դեպի Ազատություն տանող ճանապարհը: Մեր շատ սիրելի մարշալ Բաղրամյանը շատ չի նեղանա, եթե իր անվան պողոտան նոր սերունդը փոխանակի Երևանի Ազատության մայրուղու հետ:

   

Իսկ Բաղրամյան 26-ը կարելի է թողնել հենց՝ Բ-26: Հարուստ հայոց լեզուն «Բ» տառով լեցուն, հարմար ճոխ բառեր ունի սույն հասցեատիրոջ համար: Օրինակ՝ բռնակալ-26, բանտ-26, բ..-26 և այլն: Եվ այսպես ուրեմն, Ազատության Հրապարակից, Ազատության Մայրուղով՝ դեպի Բ-26: Մեր տաղանդաշատ երիտասարդությունը, թող իր մտահղացմամբ ու իր ճաշակով զարդարի Երևանը՝ ճանապարհային այս քարտեզով: Իսկ ամեն ինչից երևում է, որ հայկական հեղափոխությունը հենց այդպես էլ կոչվելու է՝ ԱԶԱՏՈՒԹՅԱՆ ՀԵՂԱՓՈԽՈՒԹՅՈՒՆ...