Reuters. Պետքարտուղար Թիլերսոնի աշխատանքը, հազիվ սկսված, դժվարացել է
Միջազգային
ԱՄՆ պետքարտուղարի պաշտոնում Ռեքս Թիլերսոնի աշխատանքը հազիվ սկսված՝ դժվարացել է: Պատճառը Սպիտակ տան քայլերն են, որոնք ԱՄՆ-ի դեմ են տրամադրել մահմեդական երկրներին, եվրոպացի դաշնակիցներին, Մեքսիկային եւ ամերիկյան բյուրոկրատներին: Այս մասին ասված է Reuters գործակալության հոդվածում:
Ցանկացած հանգամանքներում Թիլերսոնը ստիպված էր լինելու մի շարք խնդիրների բախվել. Սիրիայի քաղաքացիական պատերազմ, Հյուսիսային Կորեա, որը սպառնում է միջմայրցամաքային բալիստիկ հրթիռներ փորձարկել, ագրեսիվ Ռուսաստան եւ այլ մարտահրավերներ:
Երդմնակալությունից 12 օր առաջ Սպիտակ տունը քայլեր է ձեռնարկել, որոնք, արտաքին քաղաքականության փորձագետների կարծիքով, կարելի է հենց իրեն հասցված վերքեր կոչել:
Անցյալ շաբաթ Թրամփը հրամանագիր ստորագրեց՝ 120 օրով դադարեցնելով փախստականների ընդունումը, խստացնելով երկիր մուտքի որոշ կանոններ, ինչպես նաեւ 90 օրով դադարեցնելով Իրաքից, Իրանից, Սիրիայից, Սուդանից, Եմենից, Լիբիայից եւ Սոմալիից անձանց մուտքն ԱՄՆ:
«Ստեղծված բարդ իրավիճակում նա կսկսի աշխատել անբարենպաստ պայմաններում եւ ստիպված կլինի բռնոցի խաղալ՝ արտերկրի գործընկերների եւ պետքարտուղարության աշխատակիցների հետ վստահելի հարաբերությունները հաստատելու համար»,- նշել է նախագահ Բուշի պաշտոնավարման տարիներին պետքարտուղարության խորհրդականի պաշտոնը զբաղեցրած Ջոն Բելինջերը:
Անունը հրապարակել չցանկացած պետքարտուղարության աղբյուրն էլ նշել է, որ Թիլերսոնը գործ կունենա դժգոհ եւ կասկածամիտ Սպիտակ տան ու դժգոհ աշխատակիցների հետ:
1
2
3
4
5
1
4
5
1
3
4
5
