Իր հացադուլով Դավիթը շանտաժ է անում ժողովրդին՝ նրան մղելով նոր սադրանքների

Մենուա Հարությունյանը ֆեյսբուքյան իր էջում գրում է .

Եվրոպայից վերադառնալով՝ Արևմտյան լիդերների հետ նկարվել սիրող Դավիթ Սանասարյանը, նախ փորձեց սադրել Բաղրամյանում տեղի ունեցող խաղաղ հավաքը՝ «կոչ անելով» աղբամաններին առաջ քայլել, որը ձախողվեց, քանզի գնալով ավելի քիչ քաղաքացիներ էին հավաքվում, իսկ այսօր՝ Դավիթն Ազատության հրապարակում, հետևելով իր ավագ ընկերոջ՝ Րաֆֆի Հովհաննիսյանի օրինակին, հացադուլ է հայտարարել, որը, ըստ նրա, ոչ թե բողոք է իշխանությունների դեմ, այլ կոչ՝ ժողովրդին, որպեսզի հավաքվեն Ազատության հրապարակում և դարձյալ օկուպացնեն Բաղրամյան պողոտան:

Փաստացի, իր հացադուլով Դավիթը շանտաժ է անում ժողովրդին՝ նրան մղելով նոր սադրանքների: Ակնհայտ է, որ արևմտամետ այս երիտասարդի խնդիրը ոչ թե էլեկտրաէներիգիայի սակագնի բարձրացման դեմ պայքարելն է, այլ Հայաստանի ներքաղաքական օրակարգը լարվածության մեջ պահելը, ինչն ուղղակի, քաղաքական պայքարի ձև է:  

Քաղաքացիների փոքրաթիվ ներկայությունն Ազատության հրապարակում, անտարբերությունն այս գործընթացների նկատմամբ. ապացուցում է, որ, չնայած այն բանի, որ մեզանում շատ են չլուծված խնդիրներն ու դժվարությունները, այնուամենայնիվ, հասարակությունը սիմպատիա չունի ու չի վստահում արևմտամետ այս ուժերին: Շանտաժի ենթարկել և սադրել սեփական ժողովրդին՝ սեփական քաղաքական ամբիցիաների համար՝ անընդունելի է և վստահ եմ, մեր քաղաքացիներն իրեն անտարբերությամբ կտան այս շանտաժի և սադրանքների պատասխանը: