Ուրախ կլինենք , որ Զարուհին ընդունի առաջարկը . ի՞նչ է առաջարկում «Ժառանգությունը» պատգամավորին
«Ժառանգություն» կուսակցությունը Զարուհի Փոստանջյանին առաջարկել է լինել ցուցակի առաջին հնգյակի կին թեկնածուն: Այս մասին այսօր՝ փետրվարի 4-ին, լրագրողների հետ զրույցում ասել է կուսակցության փոխնախագահ Արմեն Մարտիրոսյանը:
«Ընտրություններին դաշինքով կմասնակցենք, թե առանց դաշինիքի, կցանկանայինք, որ ցուցակում Զարուհի Փոստանջյանը լինի առաջին կին թեկնածուն, մենք ուրախ կլինենք, որ այն առաջարկը, որ կա Զարուհին ընդունի»,-ասաց նա:
Արմեն Մարտիրոսյանը նաեւ նշեց, որ իր եւ Զարուհի Փոստանջյանի միջեւ լարվածություն չկա:
«Որեւէ լարվածություն չկա, բայց տարակարծություն կա։ Ես ի սկզբանե դաշինքային հարաբերությունների կողմնակից եմ եղել, եւ, եթե այդ դաշինքային հարաբերությունները չստացվեն, նոր հնարավոր կլիներ, որ գնայինք առանձին մասնակցության։ Այնպես չէ, որ ես առանձին մասնակցությունը բացառել եմ»,-ասաց նա:
Հիշեցնենք, որ փետրվարի 3-ին տեղի է ունեցել «Ժառանգություն» կուսակցության ընդլայնված կազմով նիստը, որի ընթացքում որոշում է կայացվել խորհրդարանական ընտրություններին մասնակցել դաշինքով: Այս պահին կուսակցությունը բանակցություններ է վարում «Ելք» եւ Օսկանյան-Օհանյան դաշինքների հետ :
1
2
3
4
5
3
4
5
2
3
4
5
