Սպորտը և առողջ ապրելակերպը պետք է լայն տարածում գտնի հասարակության մեջ
Միքայել Գրիգորյանը ֆեյսբուքյան իր էջում գրում է .
Սպորտը այսօր ամբողջ աշխարհում կարևորագույն ոլորտներից է: Կան երկրներ, որոնք որոշ սպորտաձևերով ուղղակի ապրում են: Օրինակի համար վերցնենք իր տարածքով և բնակչության թվով աշխարհում հինգերորդ տեղ զբաղեցնող Բրազիլիան, որտեղ ֆուտբոլը ուղղակի մարզաձև չէ, այն առօրյա է: Հնարավոր չէ պատկերացնել Բրազիլիան առանց ֆուտբոլի: Սպորտը վերքաղաքական է: Օլիմպիական խաղերի ընթացքում դադարեցվում են նույնիսկ պատերազմները: Բոլոր այն երկների բնակիչները, որտեղ սպորտը առաջնային տեղ է զբաղեցնում, շատ ավելի առողջ են և երկարակյաց: Այս ոլորտը պետք չէ դիտարկել միայն որպես ժամանցային ոլորտ, քանի որ ցանկացած նվաճած սպորտային բարձրունք ոչ միայն ուրախացնում է ազգին հաղթանակի պահին, այլև՝ ոգևորում հազարավոր երիտասարդների, որպեսզի նրանք էլ զբաղվեն սպորտով, վարեն առողջ ապրելակերպ և ձգտեն հաղթանակների:
Հայաստանում սպորտը բավականին զարգացած է, վերջին տարիներին մենք ունեցել ենք բազում հաղթանակներ, երկար ընդմիջումից հետո նորից հայ մարզիկները նվաճեցին Օլիմպիական ոսկե մեդալ, ինչով ոգևորեցին բոլորիս՝ սկսած շարքային քաղաքացուց, վերջացրած սահման պահող Զինվորը: Նմանատիպ հաղթանակները կարող են հնարավորություն ընձեռել, որպեսզի Հայաստանում զարգանա նաև սպորտային տուրիզմը:
Բայց ունեցածի վրա կանգ առնել պետք չէ, պետք է շարունակել զարգացնել ոլորտը, ստեղծել պայմաններ:
Երեկ վարչապետի գլխավորությամբ կառավարությունում շարունակվել է ՀՀ պետական կառավարման մարմինների գնահատված կատարողականների և ՀՀ կառավարության 2016 թ. գործունեության միջոցառումների ծրագրի ու գերակա խնդիրների կատարման մասին հաշվետվությունների քննարկումը։
ՀՀ սպորտի և երիտասարդության հարցերի նախարարը զեկուցել է, որ հաշվետու տարում մշակել և ՀՀ կառավարության հավանությանն են արժանացել ոլորտի զարգացմանը վերաբերող մի շարք որոշումներ և հայեցակարգեր: Իրականացվել են բնակչության տարբեր խմբերի շրջանում սպորտային մասնակցությունը խրախուսող մի շարք միջոցառումներ: Նախարարը զեկուցել է, որ 2017 թ. գերակա խնդիրներն են ՀՀ բնակչության շրջանում ֆիզիկական կուլտուրայի և մասսայական սպորտի տարածումը, երիտասարդների ներգրավվածության մակարդակի բարձրացումը, սպորտային տուրիզմի զարգացման հայեցակարգի մշակումը, հայկական ազգային կոխ ըմբշամարտ մարզաձևի զարգացումը, ֆիզկուլտուրայի միջոցով նախադպրոցական տարիքի երեխաների շրջանում առողջ ապրելակերպի սերմանումն ու տարածումը, բակային մարզական միջոցառումների միջոցով Երևանում և ՀՀ մարզերում մասսայական սպորտի զարգացումը:
Սպորտում երիտասարդների ներգրավվածության մակարդակի բարձրացումը հաջողության և առողջ ապրելակերպի մշակույթի տարածման երաշխիք է:
1
2
3
4
5
1
2
3
4
1
2
3
5
