Խնդիրներ, որոնք կարելի է ձեռք բերել՝ եղունգները կրծելով

PressMedia.am 

Փորձագետների համոզմամբ՝ առաջին հայացքից անմեղ թվացող սովորությունը լուրջ սպառնալիք է պարունակում՝ առողջության համար, հաղորդում է The Daily Mail-ը: Տրամաբանական է, որ եղունգների տակ տարատեսակ մանրէներ կարող են գտնվել գտնել եւ բազմանալ:

Բերանի խոռոչ, այնտեղից էլ՝ ստամոքս անցած մանրէներն այնպիսի ստամոքսա-աղիքային բորբոքումներ կարող են առաջացնել, որ փորլուծությունից եւ ստամոքսի սուր ցավերից երկար ժամանակ չեք ազատվի: Սակայն եղունգները կրծելու սովորության բացասական հետեւանքներն այսքանով չեն սահմանափակվում: Պարզվում է՝ մատների ծայրերին պատճառած փոքրիկ վերքերը եւս նպաստավոր միջավայր են ստեղծում՝ մանրէների ներթափանցման համար: Խոսքը մասնավորապես, եղունգների թմբիկների այտուցվածություն մասին է, որը միայն վիրաբուժական միջամտության եւ հակաբիոտիկների ու հակասնկային դեղամիջոցների օգնությամբ է բուժվում: Եղունգը կրծելիս կարող եք վնասել ատամի էմալը, վնասել լնդերը և լեզվի լորձաթաղանթը և անմիջապես վարակ անցկացնեք վերքի մեջ:

Եղունգների տակ գտնվող ստաֆիլակոկները ջանասիրաբար կաշխատեն բերանում ստոմատիտ առաջացնելու վրա: Հոգեբանական խանգարումները, որոնք եղունգները կրծելու պատճառ են հանդիսանում, կարող են նույնիսկ ավելի խորանալ, եթե շարունակեք կրծել եղունգները: Պարզվում է՝ եղունգները կրծելու սովորությունից այնքան էլ հեշտ չէ հրաժարվել, եւ որոշ դեպքերում միայն փորձագետի օգնությունը կարող է արդյունավետ լինել: Այդուհանդերձ, փորձված մեթոդներից է եղունգներին դառնահամ լաք քսելը՝ սովորույթից հրաժարվելու համար:

Անի Գևորգյան