ՀԷՑ-ին տուգանելիս ՀԾԿՀ-ի ու ՏՄՊՊՀ-ի «դուխները հերիքում» է, իսկ հոսանքի գինն իջեցնելու հարցու՞մ
Գայանե Հովսեփյանը ֆեյսբուքյան իր էջում գրում է.
Որեւէ մեկը կարո՞ղ է հստակ պատասխանել, թե ՀՀ քաղաքացիները, սեպտեմբեր ամսին որ գնան օգոստոս ամսվա հոսանքի վարձը մուծելու, արդեն բարձր սակագնո՞վ են մուծելու, թե՞ վարձ ընդունողը պետք է ասի՝ «սպասեք տարբերությունը հաշվեմ, կառավարությունն այդ բեռն իր վրա է վերցնելու»:
Այս համատեքստում ինչպե՞ս հասկանալ, որ ՀՀ նախագահն ասել էր, որ «Էներգիայի սակագնի չեղյալ համարումը ծայրահեղ վտանգավոր է», բայց միաժամանակ հավաստիացրել, որ «կառավարությունն իր վրա կվերցնի հոսանքի բարձրացման ամբողջ բեռը»: Ինչպե՞ս, ի՞նչ մեխանիզմով, դիցուք՝ նպաստառու խավի նպաստներին ավելացում է լինելու ՝2000-ական դրամով,որն էլ մխիթարական չէ, բա մյուսների հա՞րցը, մի՞թե սա կարելի է համարել «հաղթանակ» ու Բաղրամյանի վրա պարել դրա համար:
Ամենայն հավանականությամբ՝ «Հաղթանակ» գոռացողներն էլ հենց ամենաիսկական սադրիչներն են եղել
/ բացառությամբ որոշումը միգուցե լավ չընկալած քաղաքացիների մի մասի/: Ինչու՞ են փորձում մոլորեցնել ժողովրդին ու մեղադրել ցուցարարներին, թե ինչու են նրանք շարունակում դժգոհել:
Մինչդեռ ցուցարարների բողոքը տեղին է. պետք է չեղյալ համարվի հոսանքի թանկացումը, եւ ոչ թե՝ բառախաղերով փորձեն ժողովրդին մոլորեցնել: Այդ ինչպե՞ս պատահեց, որ ՀԾԿՀ-ի իրավասությունն ու «դուխը հերիքեց»՝ օրերս ՀԷՑ-ին տուգանելու համար, բայց չեղարկելու համար բավականաչափ կամք ու պատրաստակամություն չի դրսեւորում:Հիշեցնենք, որ քանիցս էլ ՏՄՊՊՀ-ն է տուգանել ՝ ՀԷՑ-ին՝տարատեսակ չարաշահումների համար:
Ի՞նչ է, ազգովի հացադուլի պետք է նստե՞ն, որ կառավարությունը համոզվի, որ ժողովուրդն այլեւս այսպես գոյատեւել չի կարող:
1
2
3
4
5
1
3
4
5
1
2
3
5
