Ռուս սենատորն ուղիղ եթերի ժամանակ դուրս է հանել ուկրաինացի քաղաքագետին՝ Տու-154-ի զոհերի հիշատակը չհարգելու համար (տեսանյութ)
Ռուսական Առաջին ալիքի «Время покажет»՝ «Ժամանակը ցույց կտա» հաղորդման ուղիղ եթերի ժամանակ սենատոր Ֆրանց Կլինցևիչը ստուդիայից դուրս է հանել ուկրաինացի քաղաքագետ Վադիմ Տրյուխանին, որը հրաժարվել է կանգնել Տու-154 օդանավի վթարի զոհերի հիշատակը հարգելու համար:
Lenta.ru-ի հաղորդմամբ` զոհերի հիշատակին նվիրված մեկ րոպե լռություն է հայտարարել «Антивойна» («Հակապատերազմ») հասարակական շարժման ղեկավար Վիկտորիա Շիլովան:
Նշվում է, որ բոլոր ներկաները, բացառությամբ Տրյուխանի, ոտքի են կանգնել: Երբ նրան մոտեցել է զայրացած Կլինցևիչը, քաղաքագետն ասել է, որ ինքը չի լսել Շիլովային և «չգիտի` ինչի մասին է նա խոսում»: Արդյունքում սենատորը դուրս է հանել նրան, սեղմել հաղորդավարի ձեռքն ու վերադարձել իր տեղը:
Ինչպես ավելի վաղ հայտնել էինք, դեկտեմբերի 25-ին Սև ծովում թռիչքից կարճ ժամանակ անց կործանվել է ՌԴ պաշտպանության նախարարությանը պատկանող Տու-154 օդանավը՝ դառնալով 92 մարդու մահվան պատճառ:
1
2
3
4
5
1
3
4
5
1
2
3
5
