Ոմանք վերջին շրջանի ցույցերի շարքը դիտում են մի ամբողջության մեջ և ընդհանուր գնահատականներ են տալիս
Լևոն Բաբաջանյանը ֆեյսբուքյան իր էջում գրում է.
Ոմանք վերջին շրջանի ցույցերի շարքը դիտում են մի ամբողջության մեջ և ընդհանուր գնահատականներ են տալիս` հաճախ շարժումն արժեզրկող ու հուսահատական երանգներով համեմված: Բայց նրանք մոռանում են, որ սոցիալական ամեն մի երևույթ դինամիկ զարգացող գործընթաց է, և այն ինչի հետ գործ ունենք այսօր, կարող է էապես տարբերվել երեկվանից:
Չի կարելի մինչ հունիսի 23-ի ցույցերի շարքը համեմատել հունիսի 23-ից մինչ հունիսի 28-ի, ինչպես նաև հունիսի 28-ից մինչ հուլիսի 6-ի և հուլիսի 6-ից մինչ այժմ տևող ցույցերի շարքի հետ: Սրանք տարբեր գործընթացներ են, զարգացման տարբեր տրամաբանությամբ և տարբեր փիլիսոփայությամբ (թեկուզև հաճախ շարժման դերակատարները նույնն են): Ըստ էության գործ ունենք շարժման դեռևս չորս տարբեր փուլերի հետ և այդ փուլերի մասին նույն հասկացություններով ու նույն տրամաբանությամբ խոսելն էլ տեղին չէ, ինչպես օրինակ տեղին չէ նույն որակներով բնութագրել խակ ծիրանին, հասած ծիրանին և գերհաս ծիրանին: Սրանք բոլորն էլ ծիրան են, բայց ունեն տարբեր որակներ ու տարբեր հատկություններ:
1
2
3
4
5
1
3
4
5
1
2
3
5
