Գումարի’ր ծննդյանդ տարեթվերը և իմացի’ր ճակատագիրդ

Թվաբանական թեստ, որը կբացահայտի հոգևոր զարգացվածությանդ մակարդակն ու ճակատագիրդ

Թվաբանական այս թեստն անելու համար անհրաժեշտ է ծննդյան տարեթվի ու ամսաթվի բոլոր թվերը միմյանց գումարել. օրինակ՝ ապրիլի 6, 1972թ.-նն այսպես՝ 4+6+1+9+7+2=29, կամ հոկտեմբերի 10, 1976թ.-ը՝ 10+10+1+9+7+6=43: Ուշադրություն դարձրեք, որ հաշվարկի ժամանակ ամսվա և օրվա թիվը միանիշ թվերի չեն առանձնացվում, և երկնիշ թվերն ամբողջական են գումարվում։ Ստացված արդյունքը չպետք է գերազանցի 59-ը։ Եթե այն 59-ից ավել լինի, ապա կրկին գումարեք։ Երկնիշ թիվը Ձեր ճակատագիրն է, թաքնված ուժերի ազդեցությունը, որոնք դրսից են գալիս և այն բանի արդյունքը, ինչը կբերի Ձեզ Ձեր ապագան։

ԱՐԴՅՈՒՆՔԸ

1-9։ Կարմայական խնդիրների բացակայություն (բացի սերունդը շարունակելու պարտքից)։ Մարդկանց առջև այս մակարդակը որևէ նպատակ չի դնում ու ինքնազարգացում չի պահանջում։ Կարիելի է զբաղվել, ինչով պատահի։ Միակ պայմանն այն է, որ այս մարդիկ պետք է ապրեն իրենց սեփական խղճին համապատասխան։

10-19։ Առաջին մակարդակ։ Սա նշանակում է, որ Դուք պետք է Ձեր հիմնական ժամանակը նվիրեք ինքնազարգացմանը, զարգացնեք Ձեր կամքը, կատարելագործեք Ձեր մարմինն ու ոգին։ Ձեզ աշխարհիկ գործեր են սպասում, և բարձր հարցերը Ձեզ համար չեն։

20-29։ Երկրորդ մակարդակ։ Այստեղ գտնվող մարդը պետք է կատարի իր երկրային կարման՝ իր ծագման, նախնիների փորձի վրա հիմնվելով։ Անհրաժեշտ է զարգացնել Ձեր ինտուիցիան, սովորել կառավարել սեփական ենթագիտակցությունը։

30-39։ Այս մակարդակի մարդիկ ունակ են ազդեցություն գործել շրջապատի մարդկանց գիտակցության վրա։ Եթե Դուք գտնվում եք երրորդ մակարդակում, ապա իմացեք, որ այս կյանքում Ձեր կոչումը մյուսներին փիլիսոփայական աշխարհայացքն ու կյանքն ապրելու հիմունքները սովորեցնելն է։ Այդ իսկ պատճառով Դուք ինքներդ պետք է շատ բան սովորեք, որպեսզի Ձեր գիտելիքները կարողանաք փոխանցել մյուսներին։

40-49։ Գիտակցության բարձր մակարդակ։ Ինտելեկտուալ, փիլիսոփա, ուսուցիչ։ Դուք պետք է ձգտեք հասկանալ կյանքի բարձրագույն իմաստն ու տիեզերքի հիմքերը։ Կյանքում Ձեր նպատակը գիտակցության նոր մակարդակի հասնելն է։

50-59։ Հինգերորդ մակարդակի մարդը դիտորդ է, Բարձրագույն Գիտակցության ու մարդկանց միջև միջնորդ։ Դուք թաքնված տեղեկատվության կրող եք։ Ձեր նպատակն է ինքնակատարելագործումն ու միայնությունը։ Սակայն սա չի նշանակում, որ այս մակարդակի մարդիկ միշտ լուսավոր ու մաքուր են։ Շատ հաճախ նրանք ճակատագրի սիրելիներն են, ովքեր ամեն ինչ ավելի հեշտ են ստանում, քան մյուսները։ Հաճախ կարելի է տեսնել, թե ինչպես են այս մարդիկ դադարում հետևել իրենց, դաստիարակել իրենք իրենց, իրենց հոգին և ընկնում են։ Սկսում են ապրել՝ միայն օգտագործելով։ Իհարկե ապագա կյանքում նրանց հատուցում է սպասվում և ավելի ցածր մակարդակ ընկնելը։ Այս մակարդակը պարտավորեցնում է այնպիսի կյանքով ապրել, որը կարող է հարստացնել հոգին ու ազնվացնել սերունդը։

10 – երջանիկ թիվ։ Պատվի, ինքնավստահության թիվ։ Սա անկում ու վերելք է։ Շատ հաջողակ թիվ ապագայի համար։

11 – բարդ թիվ։ Նախազգուշացնում է թաքնված վտանգների, փորձությունների ու դավաճանության մասին։ Այս մարդը կարող է զբաղվել գերբնական գիտություններով, սակայն մեծ զգուշությամբ։

12 – տառապանքի և անհանգստության թիվ։ Այս թվի մարդիկ կարող են ինտրիգների զոհ դառնալ։ Այս մարդկանց խորհուրդ չի տրվում ամեն տեսակ միությունների ու կազմակերպությունների մեջ ներգրավվելը, որոնք ինչ-որ մեկի դեմ են հանդես գալիս։

13 – խորհրդանշում է ծրագրերի, ժամանման վայրերի փոփոխությունն ու զգուշացնում է վտանգների մասին։ Հնում ասում էին, որ նա, ով հասկանում է 13 թիվը, ուժ ու իշխանություն է ստանում։ Նշանը կյանքում լուրջ փոփոխություններ է խորհրդանշում. ինչպես լավ, այնպես էլ վատ։

14 – զգուշացնում է մարդուն բնական կատակլիզմների մասին. քամու, ջրի, կրակի ու օդի հետ կապած։ Սրա հետ միասին բարենպաստ է գործարքների, բիզնեսի համար, սակայն որոշակի ռիսկի առկայությամբ։ Եթե 14 թիվը հայտնվի ապագա իրադարձությունների հաշվարկների արդյունքում, ապա հարկ է զգույշ լինել։

15 – այս թվի մարդիկ մեծ խառնվածք ունեն և իրենց անձնական ձգողականության հետ միասին հաջողությամբ կարողանում են օգտագործել դա՝ իրենց նպատակներին հասնելու համար։ 15 թիվը խթանում է հռետորության ու երաժշտական կարողությունները։ Այս թիվը հաջողություն է խոստանում, սակայն երբեմն ստիպում է մարդկանց շահադիտական նպատակներով դիմել կախարդության։

16 – գալիք աղետները կամ ծրագրերի խափանումը կանխագուշակող թիվ։ Այս թիվը զգուշացնում է չար ճակատագրի մասին, որը կարող է պատահել մարդուն, և այն մասին, որ որոշումները պետք է զգուշությամբ կայացնել՝ վատ հետևանքներից խուսափելու համար։

17 – բարձր հոգևոր թիվ։ Երջանկություն, ազատություն ու կյանքի փոփոխություններ բերող թիվ է։

18 – խորհրդանշում է կյանքի հոգևոր կողմի ոչնչացումը աշխարհում։ Այս թվի մարդիկ դաժան են, գռեհիկ, բռնակալ, կռվարար ու ամեն տեսակ հակասոցիալական հեղափոխությունների մասնակից։ Որոշ դեպքերում այս թիվը «սև» բիզնեսի խորհրդանիշն է։ Այս թիվը կապված է խաբեբայության ու դավաճանության հետ։ Այն նաև հուշում է զգուշանալ ջրից, կրակից ու պայթուցիկ նյութերից։

19 – խորհրդանշում է արևը։ Չափազանց բարենպաստ թիվ է, որը երջանկություն, հաջողություն, հարգանք ու ճանաչում է խոստանում։

20 – երկակի նշանակություն ունի։ Մի կողմից այն գործելու, նոր ծրագրեր իրականացնելու կոչ է (սակայն այս ծրագրերը պետք է իսկապես մեծ լինեն), մյուս կողմից այն խորհրդանշում է նպատակների հասնելու ճանապարհին հանդիպող խոչընդոտները, որոնք կարող են հաղթահարվել մարդու հոգևոր զարգացման ճանապարհով։

21 – խորհրդանշում է տիեզերքը։ Սա պատվի, կյանքի վերելքի ու հաջողության խորհրդանիշն է։ Այն խորհրդանշում է մարտից հետո հաղթանակը։ Չափազանց բարեհաջող թիվ է ապագա իրադարձությունների առումով։

22, 58 – այս թիվը բարի ու վստահող մարդու թիվ է, ում ուսերին բազմաթիվ սխալների պարկ կա։ Մարդկանց զգուշացնում է այն մասին, որ նրանք ապրում են պատրանքների գերության մեջ և արթնանում են միայն վտանգի ժամանակ։ Այս թվերը հուշում են զգույշ լինել ապագայում։

23, 59 – մոգական ազդեցություն ունի, կանխատեսում է հաջողություն կարիերայում ու գործերում։ Ապագային առումով այս թիվը բարենպաստ է և բոլոր նոր սկսված գործերում հաջողություն է խոստանում։

6, 24, 33, 42 – երջանիկ թիվ. հաջողություն և աջակցություն բոլոր նոր նախաձեռնություններում, հաջողություն սիրո մեջ։ Ապագայի առումով բարենպաստ նշան։

25, 34 – սեփական փորձի շնորհիվ առաջ գնալու կարողություն։ Այսպիսի մարդն աղետները կանխազգալու սուր զգացողություն ունի։ Այս թիվը տարիների հետ կյանքում ավելի ու ավելի շատ հիասթափություններ ու խաբվածություն է հուշում։ Պետք է հնարավորինս զգույշ լինել։

27, 36, 45, 54 – լավ նշան է։ Նշանակում է, որ մարդը պարգևատրվում է արդյունավետ մտածողության, ստեղծագործական աշխատանքի ու բարձր ինտելեկտուալ կարողությունների շնորհիվ։ Ապագայի առումով թիվը բարենպաստ է։

28, 55 – հակասական ու երկակի իմաստով նշան։ Մարդը մեծ կարողություններ ունի։ Սակայն այս մարդիկ իրենց գիտակցության մեջ կես ճշմարտություն ունեն և օրենքներին ընդդիմանալու հակում։ Նրանք հակված են կյանքում քայլել միայն արդեն իսկ տրորված ճանապարհով։ Ապագայի առումով այս թիվն այնքան էլ բարենպատ չէ։

29, 38, 47, 56 – կեղծավորություն, խաբեբայություն և նույնիսկ դավաճանություն է խորհրդանշում շրջապատից։ Այս մարդը մշտապես կբախվի ծանր փորձությունների, ընկերների ու հակառակ սեռի կողմից դավաճանության։ Ապագայի առումով թիվը վտանգ է կանխատեսում։

30, 39, 48, 57 – շրջապատի նկատմամբ մտավոր ինտելեկտուալ գերազանցություն։ Այս մարդիկ, սակայն, չեն թաքցնում նաև նյութականի նկատմամբ իրենց սերը։ Այս նշանը չեզոք է, չի կանխատեսում ո՛չ երջանկություն, ո՛չ էլ դժբախտություն. ամեն ինչ կախված է այն կրող մարդուց։

31, 40, 49 – նման է նախորդին, բացառությամբ նրա, որ այս մարդիկ ներամփոփ են, հաճախ միայնակ են լինում նույնիսկ իրադարձությունների կիզակետում գտնվելիս։Նյութականի տեսակետից թիվը բավականին անբարենպաստ է։

32, 41, 50 – այս նշանը մոգական այնպիսի ազդեցություն ունի, ինչպես 23-ը։ Այս մարդը գտնվում է մարդկանց հետ ներդաշնակ հարաբերություններում, սակայն պետք է կարողանա գաղտնի պահել իր ծրագրերը շրջապատից, այլապես դրանք չեն իրականանա։ Նշանը բարենպաստ է ապագայի համար։

37, 46 – բարության, երջանիկ սիրո և ընկերության խորհրդանիշ։ Ներդաշնակություն հակառակ սեռի հետ հարաբերություններում և հաջողություն համատեղ նախագծերում։ Բարենպաստ է ապագայի համար։

43, 52 – բավականին դժբախտ թիվ։ Խորհրդանշում է հեղափոխությունը, հեղաշրջումը, փորձություններն ու ճակատագրի հարվածները։ Ապագայի առումով անբարենպաստ է։

51 – հսկայական ներուժի ու մարտիկի բնույթի խորհրդանիշ։ Ենթադրում է անսպասելի կարիերա։ Բարենպաստ է զինվորականների, ծովագնացների ու առհասարակ առաջնորդների համար։

Այժմ դու ընդհանուր պատկերացումներ ունես այն մասին, թե ինչ է պետք քեզ կյանքում։ Սակայն մի՛ շտապիր եզրակացություններ անել։ Ապագայի մասին ավելի պարզ պատկերացումներ ունենալու համար դեռ շատ բան է անհրաժեշտ հաշվարկել ու գաղտնազերծել։