Երիտասարդ, ոճային ու գեղեցիկ. Wnews.am-ն առանձնացրել է հայկական շոու բիզնեսի 5 ամենագեղեցիկ զույգերին.
Ռեփեր Միշո-հաղորդավարուհի Սոնա Օգանեսյան
2013-ի աշնան վերջից շրջանառվող խոսակցությունները, թե Միշոն գտել է իր երկրորդ կեսին, հաստատվեցին 2014-ի սկզբներին, երբ ռեփերը համատեղ լուսանկար հրապարակեց: Եվ մինչ թերահավատները շարժում էին գլուխները՝ կարճատև կյանք կանխագուշակելով այդ հարաբերություններին, «Ես Սոնայի հետ բոլորովին այլ եմ» մի առիթով խոստովանեց Միշոն՝ ավելացնելով, որ սիրահարվել է … մեկ վայրկյանում…
Զույգն ամուսնացավ 2015թ. հունիսին։
Արամե եւ Աննա Թովմասյան.
Զույգն առաջին անգամ հանդիպել է 2000 թվականին, որից հետո տեւական ժամանակ իրար չեն տեսել: Արդեն 2007-ին` Օպերային թատրոնում համերգի ժամանակ, Աննան մոտեցել է Արամեին, որ բարեւի։ Ինչպես Արամեն է խոստովանում, դա սեր էր առաջին հայացքից:
Արամեն երգով է Աննային սեր խոստովանել, հետո ամենն ասել իր բառերով` նշելով, որ առաջին անգամ է սեր խոստովանում… 
Սոս Ջանիբեկյան եւ Մադոննա Հարությունյան
Վերջին օրերի ամենաքննարկվող զույգն է. դերասան Սոսն ու հաղորդավարուհի Մադոննան մի քանի ամիս է՝ միասին են։
Վերջերս Սոսն իր հարցազրույցում պատմել է, որ Մադոննայի հետ ծանոթացել է «Ցանկալի փեսացու» նախագծի նկարահանումների ժամանակ, որտեղ նա աշխատում էր որպես ոճաբան: Հարաբերությունները սկսվել են նկարահանումների ավարտից հետո:
«Ես հասկացա, որ սիրահարվել եմ այդ աղջկան: Սկսեցինք հանդիպել, հասկացա, որ սիրահարվածությունը փոխադարձ է և հիմա ընկերություն ենք անում»,- պատմել է Սոսը:
Դիանա Մալենկո եւ Մհեր Գալստյան
Դիանա Մալենկոն եւ դիզայներ Մհեր Գալստյանն այս տարվա սեպտեմբերին նշանվեցին։ Նշանդրեքը Բալիում էր, որտեղ զույգը վայելում էր ամառային հանգիստը։ Մհերն ու Դիանան վաղեմի ընկերներ են եղել, նրանց ընկերությունը վերաճել է սիրո։
Լիլիթ Հովհաննիսյան եւ Վահրամ Պետրոսյան
Երգչուհի Լիլիթ Հովհաննիսյանն ու երգահան Վահրամ Պետրոսյանն ամուսնացան 2011 թվականին։ Նրանք հայկական շոու բիզնեսի ամենաքննարկվող եւ ոճային զույգերից էին։ Ցավոք, տեւական ժամանակ է՝ զույգը միասին լուսանկարներ չի հրապարակում, ինչն էլ ենթադրությունների առիթ է հանդիսացել, որ այլեւս միասին չեն։ Բացի այս, վերջին շրջանում աստղային այս զույգին միասին դժվար է հանդիպել երեկույթների և միջոցառումների ժամանակ: Երբ լրատվամիջոցները փորձել են հետաքրքրվել իրենց հարաբերությունների մասին, Վահրամ Պետրոսյանը պատասխանել է. «Ես չեմ ցանկանում որևէ լրատվամիջոցի մեկնաբանություն տալ»:
1
2
3
4
5
1
2
3
4
5
1
2
3
4
5
