Խմիչքների գաղտնիքներից
Life
Սեղանին դրվում են միասին, հենց իրենց շշերով: Եթե սեղանը բազմամարդ է, խմիչքը հարկավոր է տեղադրել մի քանի տեղով: Հանդիսավոր ճաշկերույթներին տրվում է մի քանի տեսակի խմիչք, նախուտեստեղենի հետ՝ օղի, կոնյակ, ձկնեղենի հետ՝ սպիտակ, իսկ մսեղենի հետ՝ կարմիր գինի:
Գինիները և կոնյակի շշերը սեղանի վրա դրվում են խցանահանված, բացառությամբ՝ շամպայնի: Հանքային ջրերի շշերը բացելու համար նրանց մոտ պետք է դրվեն բացիչներ: Մրգօղու տարբեր տեսակները մատուցվում են սառը վիճակում: Սակայն խիստ սառեցրած մրգօղին կորցնում է իր բույրը և որոշ չափով էլ՝ համը: Ըմպելիքի սովորական ջերմաստիճանը պետք է լինի 10-12:
Օղու հետ լավ է մատուցել բողկի, լոլիկի,վարունգի սալաթ, ձիթապտուղ, թթու դրած սունկ և այլն: Կոնյակի հետ մատուցվում են շաքար և լիմոն: Կաևելի է կոնյակի հետ հրամցնել թխվածքաբլիթ, նուշ,նարինջ: Ընթրիքից հետո լիկյորի փոխարեն կարելի է մատուցել ռոմ: Այն տրվում է սուրճի կամ աղանդերի հետ: Գարեջուր մատուցում են սառը՝ տարբեր տեսակի պանիրների, խազապուխտի, աղ դրած ուտելիքների, տաք բուտերբրոդների, նրբերշիկի հետ: Մրգահյութը և մրգաջուրը մատուցում են սառը վիճակում՝ թխվածքով, տորթով և այլն:
Գինին պարտադիր է մատուցել բոլոր տոնական ճաշերի և ընթրիքների ժամանակ: Սովորաբար սկզբում մատուցում են ավելի թույլ, սպիտակ գինիները, հետո թունդ, կարմիր գինիները: Ձկան, խեցգետնի, ծովախեցգետնի, ձվի, հորթի մսի և թռչնեղենի հետ մատուցում են սպիտակ կամ բաց վարդագույն գինիներ: Սպիտակ և բաց գույնի գինիները մատուցում են սառը վիճակում, իսկ կարմիր գինիները՝ սենյակային ջերմաստիճանի: Բոլոր տեսակի գինիները մատուցվում են նախապես խցահանված շշերով: Շամպայն գինիները պետք է մատուցել սառը վիճակում: Վերջինս բացվում է սեղանի մոտ և անիջապես լցվում գավաթները: Այն մատուցվում է ճաշի կամ ընթրիքի վերջում՝ աղանդերի հետ:
Անի Գևորգյան
1
2
3
4
5
2
3
4
5
1
2
3
4
5
