Կետեր , որոնց վրա սեղմելը կօգնի ազատվել անքնությունից

Քնի խանգարումները տարբեր են լինում և տարբեր կերպ էլ ազդում են մարդկանց վրա: Հաճախ մարդիկ ժամեր շարունակ չեն կարողանում քնել և երազում են որևէ հրաշալի միջոցի մասին, որը կօգնի վերջապես հանգիստ քնել: Զարմանալի է, բայց նման միջոց գոյություն ունի և կոչվում է ակուպունկտուրա (ասեղնաբուժություն):

Ասեղնաբուժությունն օգտագործվում է տարատեսակ հիվանդությունների բուժման համար և կարող է օգնել նաև անքնության դեպքում: Պարզապես հարկավոր է ճնշում գործադրել մարմնի վրա գտնվող որոշակի կետերի վրա:

Սակայն մինչ ակուպունկտուրայի բուն գործընթացին անցնելը, հարակավոր է հասկանալ, թե ինչն է ազդում մարդու մարմնի վրա: Մարդու մարմնի վրա կան բազմաթիվ կետեր, որոնցից յուրաքանչյուրը տարբեր բուժիչ ազդեցություն է ունենում: Քնի խանգարումների դեպքում գոյություն ունի երեք կետ, որոնց վրա էլ պետք է կենտրոնացնել ուշադրությունը:

Առաջին կետը («LV3») օգնում է բազմաթիվ խնդիրների, այդ թվում նաև անքնության, դեպքում: Այն գտնվում է ոտնաթաթի արտաքին մակերեսի վրա բթամատի և ոտքի երկրորդ մատի միջև: Հարկավոր է քնելուց առաջ 4-5 վայրկյան սեղմել այդ կետի վրա:

Շատ արդյունավետ է նաև «P6» կետը, որը գտնվում է ձեռքի վրա՝ դաստակից երեք մատ վերև մկանների միջև: 5 րոպե այդ կետը սեղմելը կօգնի արագ քնել:

Անքնության ժամանակ օգնող մյուս կետը «K1»-ն է, որն էլ գտնվում է ոտնաթաթի տակ՝ մեջտեղում, սակայն կամարից մի փոքր վերև: Հարկավոր է 30 վայրկան սեղմել այս կետը, այնուհետև 5 րոպե թողնել և կրկին սեղմել ավելի քան 30 վայրկյան:

Առողջ քուն ապահովելու համար` բազմաթիվ այլ միջոցնել էլ կան: Առաջին հերթին հարկավոր է քնելուց առաջ սահմանափակել այնպիսի խթանիչների գործածությունը, ինչպիսիք են՝ կոֆեինը կամ նիկոտինը: Նաև շատ կարևոր է քնելու հստակ ժամ սահմանելը, ինչը կօգնի օրգանիզմին միշտ պահպանել ռիթմը և ամեն երեկո պատրաստվել քնի: Բացի այդ, անհրաժեշտ է խուսափել համակարգչով աշխատելուց, անկողնում սնվելուց կամ հեռուստացույց դիտելուց: