Նազենի Հովհաննիսյանի, Ֆելիքս Խաչատրյանի և Նազենիի նախկին օգնականի սիրային եռանկյունին

Blognews.am-ը գրում է.

Հայկական շոու բիզնեսն այնքան փոքր է, և այնտեղ կապերն այնքան սերտ են, որ ցանկացած փոքրիկ իրադարձություն կարող է քննարկման թեմա դառնալ, դե էլ չասեմ հայտնի դեմքերի անձնականին վերաբերող նորությունները:

Շատ վաղուց է՝ ոչ մի նորություն չկար հաղորդավար Ֆելիքս Խաչատրյանից: Սակայն վերջերս կայքերից մեկը հարցազրույց հրապարակեց նրա նշանադրության մասին: Հարցազրույցից իմացանք, որ ռեփեր, հեռուստահաղորդավար Ֆելիքս Խաչատրյանը և նկարչուհի Գոհար Պարույրյանը նշանադրվել են: Իհարկե, զույգը վաղուց էր միասին ապրում, բայց նրանք նոր են որոշել օրինականացնել իրենց կապը: Գոհար Պարույրյանի անունը մամուլում երբեք չի շրջանառվել: Բայց կարող էր...

Պարզվում է` երկար տարիներ Գոհարը Նազենի Հովհաննիսյանի օգնականն է եղել։ Գոհարը ճանաչել է Ֆելիքսին այն ժամանակվանից, երբ Ֆելիքսը և Նազենին ընկերություն են արել։ Ապա Ֆելիքսն ու Նազենին բաժանվել են... Ֆելիքսն էլ ամիսներ անց մխիթարություն է գտել Նազենիի օգնականի գրկում։

Ասում են, երբ Նազենին իմացել է այս մասին, շատ է զայրացել Գոհարի վրա ու չգիտես՝ խանդից, թե զայրույթից վերջ է տվել իրենց գործնական հարաբերություններին։ Հենց այդ դեպքից հետո է, որ Նազենին այլևս օգնական չի պահում։

Բայց ժամանակի ընթացքում զայրույթը տեղի է տվել, և Նազենին ու Գոհարն այսօր երբեմն շփվում են։ Հարաբերությունները, ճիշտ է, առաջվանն էլ չեն լինի, բայց Գոհարը, օրինակ, ներկա էր Նազենիի 30-ամյակին։

Ֆելիքսի և Գոհարի կապի մասին հայտնի դառնալուց հետո և՛ Ֆելիքսի, և՛ Նազենիի՝ սոցիալական ցանցերի էջերից անհետացել են բոլոր լուսանկարները, որտեղ նրանք միասին էին, և դա այն դեպքում, որ Ֆելիքսը մինչև հիմա իր էջից չի հեռացրել իր նախկին ընկերուհի Աննա Առաքելյանի հետ լուսանկարը:

Նազենիի և Գոհարի վերջին միասին լուսանկարը 2012 թվականին է, որտեղ նրանք միասին ֆուտբոլային խաղի են:

Ահա այսպիսի սիրային եռանկյունի մեր հայկական շոու բիզնեսի «խաղաղ» ծովում:

Ֆելիքսը կնոջ հետ (քաղաքացիական ամուսնություն)։