Ծեծեցինք, դուրս եկանք. ավազակային հարձակում Երեւանի բնակարաններից մեկում

Փետրվարի լույս 17-ի գիշերը ոստիկանություն ահազանգ էր ստացվել, որ Սարկավագի փողոցում գտնվող տներից մեկում հարձակում է կատարվում: Ահազանգողի պատմելով, ինքը եւ իր հետ բնակարանում գտնվող երիտասարդ աղջիկը ենթարկվել են ավազակային հարձակման:

Ոստիկանության Քանաքեռ - Զեյթուն բաժնի օպերատիվ խմբի ձեռնարկած միջոցառումների արդյունքում վերականգնվել է կատարվածի պատկերը: Արդյունքում պարզվել է, որ Նոր Նորքի ժամանցի վայրերից մեկում 4 երիտասարդներից մեկը մերսման ծառայություններից օգտվելու նպատակով սոցցանցերից գտնված հեռախոսահամարով զանգել էր, բայց մերժվել:

Ավելի ուշ երիտասարդը նորից էր զանգել եւ այս անգամ` մերսողից բացի, զրուցել նաեւ նրա ծանոթի հետ: Հեռախոսային զրույցը վերածվել էր հայհոյանքներով լեզվակռվի, ապա ճտելով նրանց գտնվելու վայրը, երիտասարդները գնացել էին այնտեղ:

Արդեն բնակարանում լեզվակռիվը վերածվել էր ծեծկռտուքի: Բնակարան մտած երիտասարդները հեռանալիս վերցրել էին ժամացույց, DVD, բջջային հեռախոսներ: ՔՀԳՎ ավագ օպերատոր Դավիթ Մարտիրոսյանի խոսքով տուժողները չէին հիշել երիտասարդների արտաքինը. «Տուժողները հստակ չէին հիշում երիտասարդների արտաքինը: Մեր տեղեկություններով նրանք բնակարանից հեռացել էին տաքսիով, որի ո'չ մակնիշը, ո'չ գույնը, ո'չ էլ համարանիշը չէին տեսել»:

Աավազակային հարձակում կատարելու կասկածանքով ոստիկանություն էին բերման ենթարկվել Նոր Նորքի բնակիչներ Դավիթ Գրինչուկը, Ալեքսանդր Կասմինը եւ Արաբկիում ապրող Ֆյոդոր Բոլդիրեւը: Կասկածյալ Ալեքսեյ Գրինչուկը ոստիկանների բացատրական աշխատանքների արդյունքում փետրվարի 27-ին կրկին ներկայացել էր բաժին. «Սկզբից ես եմ մտել, մեկ էլ ընկերս, իսկ որ սկսեցինք խփելը, ձայները լսեց, ախպերս էկավ, մեկ էլ մյուս ընկերս: Ծեծեցինք, դուրս եկանք, մենակ հեռախոս եմ վեկալել»:

Նրա եղբայրը՝ 24 ամյա Դավիթ Գրինչուկը, 28-ամյա Ֆյոդոր Բոլդիրեւը, որի խոսքով ծեծկռտութի ժամանակ գլխին հարված էր ստացել, 27-ամյա Ալեքսանդր Կասմինինը դեպքի մասին ասել են այն, ինչ Ալեքսեյ Գրինչուկը, սակայն մեկ տարբերությամբ: Կասկածյալ Ալեքսանդր Կասմինինի խոսքով ` չիմանալով ինչու պատից կախված ժամն էր վերցրել: Իրավապահները հայտնաբերել են տուժողի տնից հափշտակված ապրանքները: Վերջիններս ուղղարկվել են ոստիկանության փորձաքրեագիտական վարչություն, նշանակվել են փորձաքննություններ, այդ թվում` դատաբժշկական: