Մենք չենք կարող իջնել Ադրբեջանի մակարդակին. Նալբանդյան
Header
Արցախի հակամարտության կարգավորման շուրջ բանակցություններ չեն ընթանում, որովհետեւ գործընթացին շատ մեծ հարված է հասցվել՝ Արցախի դեմ Ադրբեջանի ապրիլյան նոր ագրեսիայի տեսքով: Այս մասին հայտարարել է ՀՀ ԱԳՆ ղեկավար Էդվարդ Նալբանդյանը՝ Հունաստանի ԱԳՆ ղեկավար Նիկոս Կոցիասի հետ մարտի 10-ին, Երեւանում տեղի ունեցած մամուլի ասուլիսի ժամանակ:
Նալբանդյանի խոսքով՝ բանակցությունները հետ են մղվել: «Այդ պատճառով էլ Հայաստանն ու համանախագահները քայլեր արեցին եւ շարունակեցին ջանքերը տեղաշարժի պայմաններ ստեղծելու համար», - նշել է նախարարը՝ հիշեցնելով, որ այդ նպատակով են տեղի ունեցել Վիեննայի եւ Սանկտ Պետերբուրգի համաժողովները: «Սակայն միջազգային հանրությունն ու Հայաստանը մեկ լեզվով են խոսում, իսկ Ադրբեջանն՝ այլ: Հենց Բաքուն է հրաժարվում կատարել ձեռք բերված պայմանավորվածությունները: Հարց է ծագում՝ իսկ ադրբեջանական կողմն առհասարակ պատրաստ է բանակցությունների եւ ձեռք բերված պայմանավորվածությունները կատարելուն: Սակայն բանակցություններն այլընտրանք չունեն: Այդ պատճառով էլ համանախագահները շարունակում են ջանքերը՝ բանակցությունների առաջխաղացման համար», - նշել է Նալվանդյանը՝ հավելելով, որ միջնորդների՝ Հայաստան ու Արցախ այցը նախատեսված է մարտի վերջին:
Խոսելով այն մասին, թե ինչպես է ադրբեջանական կողմը մատուցում հանդիպումների արդյունքներն ու բանակցությունների էությունը՝ Էդվարդ Նալբանդյանը նշել է, որ Բաքուն բանակցությունները ներկայացնում է այնպես, ինչպես իրեն ձեռնտու է, գլխիվայր շրջում, շեշտադրում մեկ կամ երկու կետ: «Մի անգամ չէ, որ ասվել է, որ մշակված սկզբունքները մեկ ամբողջություն են եւ որ չի կարելի մեկ բան առանձնացնել», - հիշեցրել է Նալբանդյանը՝ նկատելով, որ այդ մասին շատ փաստաթղթեր կան, այդ թվում 5 հայտարարություն՝ ԵԱՀԿ Մինսկի խմբի համանախագահների մակարդակով:
Նախարարի խոսքով՝ Ադրբեջանի՝ շանտաժի ենթարկելու փորձերը հենց իրեն են փակուղու ատջեւ կանգնեցնում:
Պատասխանելով այն հարցին, որ հայկական կողմը միշտ ավելի մարդասիրաբար է մոտենում զոհերին վերադարձնելու հարցին՝ Նալբանդյանը նշել է. « Մենք չենք կարող իջնել նրանց մակարդակին: Մի երկրի մակարդակի, որտեղ դիվերսանտները, մարդասպանները, դահիճները ազգային հերոսներ են հայտարարվում: Հայաստանն ու Արցախը հակված են պահպանելու միջազգային մարդասիրական իրավունքի ու Ժնեւյան կոնվենցիայի սկզբունքները: Պետք է մարդ մնալ, եթե նույնիսկ հակառակորդն իրեն մարդու նման չի պահում»:
1
2
3
4
5
1
2
3
5
3
5
