FASHION ԶՐՈՒՅՑ. ամուսինս միշտ հաճոյախոսում է , ինից ավելի եմ ոգևորվում . Արևիկ Ալավերդյան (լուսանկարներ)
Life
Wnews.am-ի Fashion զրույց խորագրի հյուրն այս անգամ երգչուհի Արևիկ Ալավերդյանն է: Փոխվե՞լ է արդյոք Արևիկի ոճը մայրանալուց հետո, ինչպե՞ս է վերաբերում ամուսինը նրա fashion էքսպերիմենտներին, այս և այլ թեմաների շուրջ խոսել ենք ոճային մայրիկի հետ:
– Ե՞րբ առաջին անգամ հետաքրքրվեցիր նորաձևությամբ և որքանո՞վ է այն կարևոր քեզ համար:-Կարծում եմ նորաձևության հանդեպ սերը իմ մեջ ի ծնե է, որովհետև հիշում եմ դեռ շատ փոքր էի և սիրում էի մայրիկիս հագուստները կրել ու ցուցադրել ծնողներիս: Կարծում եմ՝ ոճի և ճաշակի զգացումը շուտ ձևավորվեց իմ մեջ և որոշեցի , որ պետք է դառնամ մոդելավորող: Երազանք էր դա, որ այդպես էլ չիրականացավ: Ընտրեցի երգարվեստը: Ինձ համար այդքան էլ կարևոր չէ նորաձևությունը, որքան ոճը: Ինչպես ասում են՝ նորաձևությունը ժամանակավոր է, ոճն՝ անմահ:
– Ոճդ ինչպե՞ս կբնութագրես, ինչի՞ց ես ոգեշնչվում կերպարներդ ստեղծելիս:
Սիրում եմ համադրել տարբեր ոճեր, գիտեմ ինչն է իմը, ինչն է ինձ սազում, ինչը՝ ոչ: Առօրյա հագուստը պետք է լինի հարմարավետ, բայց ոճային: Ոգեշնչման աղբյուրներ շատ ունեմ: Շատ դիզայներներից եմ ոգեշնչվում:
–Ովքե՞ր են քո ֆավորիտ դիզայներները:
-Շատ կան, չեմ կարող նշել մեկը, որ ամենասիրելին է՝Michael Kors , StellaMcCartney, Victoria Beckham, Balmain…այսպես կարող եմ շատ երկար թվարկել:
–Որտեղի՞ց ես սիրում գնումներ կատարել:
-Փարիզից միանշանակ։
–Առաջին բանն, ինչին ուշադրություն ես դարձնում մարդու արտաքինում, ոճում:
– Ճաշակի զգացում, կոկիկություն, խոսք:
– Նորաձևության կանոններ, որոնք սիրում ես խախտել:
-Նորաձևությունը չունի կանոններ:
– Որո՞նք են նոր սեզոնի գլխավոր թրենդները քո կարծիքով:
-Վերջերս fashion week- երի ընթացքում աշխարհահռչակ դիզայներները ներկայացրեցին իրենց հավաքածուները, որոնք մեկը մյուսից սարսափելի տարբերվում էին և դժվար է ասել, որոնք են այս սեզոնի գլխավոր թրենդները: Ինձ համար երբեք գլխավոր թրենդ չի լինում, այո՛ տեղեկացված եմ՝ ինչն է նորաձև, բայց միշտ կրում եմ այն, ինչ սիրում եմ: Նորաձևության գերի չեմ և երբեք չեմ կրում հագուստ, որը պարզապես այս պահին նորաձև է:
– Ո՞րն է եղել քո վերջին գնումը:
-Պայուսակը։
-Ո՞րն է քո հաջորդ must-have-ը:
-Կոշիկ, որը պատրաստվում եմ ձեռք բերել:
– Ովքե՞ր են քո անձնական fashion իկոնաները:
-Դիզայներներ, ոճային բլոգերներ, պարզապես սովորական ճաշակով մարդիկ:
–Մայրանալուց հետո փոխվե՞ց արդյոք ոճդ, նախասիրություններդ:
-Կարծում եմ՝ ոչինչ չի փոխվել:
–Ամուսինդ ինչպե՞ս է վերաբերվում քո fashion էքսպերիմենտներին:
-Շատ դրական վերաբերմունք ունի, որովհետև ես ամեն ինչ անում եմ չափավոր, էքստրեմալ ոչինչ չեմ անում: Միշտ հաճոյախոսում է ինչից ավելի եմ ոգևորվում, իհարկե:
-Հայ աղջիկների գլխավոր fashion սխալները:
-Բոլորը կրում են նույն բանը, որովհետև դա սարսափելի նորաձև է, կրկնօրինակում են շատ, փորձում են նմանվել այլ մարդկանց:
– Հայ աղջիկների գլխավոր fashion առանձնահատկությունները:
-Հիմա շատ է փոխվել մեր աղջիկների հագուկապը, ավելի տեղեկացված են, արդեն տարբերում են ցերեկային և երեկոյան հագուստը, ինչի համար շատ ուրախ եմ, մինիմալի են ձգտում, ինչը ողջունելի է:
-Ո՞րը կլինի քո գլխավոր fashion խորհուրդը մեր ընթերցողներին:
-Չկրկնօրինակեն, չլինեն պիտակամոլ կամ նորաձևության գերի, կրեն այն, ինչ սազում է, ոչ թե այն, ինչ նորաձև է:
1
2
3
4
5
1
2
3
4
5
2
3
4
5
