Ինչի՞ պիտի դատարանը ծնողին ստիպի հոգ տանել սեփական զավակի բարեկեցության համար

Գարիկ Պետրոսյանը ֆեյսբուքյան իր էջում գրում է.

Երբեք չեմ հարգել այն տղամարդկանց, որոնք ամուսնալուծվելուց հետո խուսափում են սեփական երեխայի կարիքները հոգալուց: Ընդհանրապես չեմ ընդունել ալիմենտ կոչվածը, որովհետև չեմ հասկացել, թե ինչի՞ պիտի դատարանը ստիպի ծնողին, որպեսզի վերջինս մտածի իր երեխայի բարեկեցիկ կյանքի մասին;Առավել ևս չեմ հասկացել նրանց, ովքեր թաքցնում են իրենց եկամուտները, որպեսզի ալիմենտի չափը հասցնեն նվազագույնի:
Բացարձակ էական չի ամուսնալուծության պատճառները և, որպես կանոն, երեխաները մնում են մոր մոտ: Բայց դա ամենևին չի նշանակում, որ դրանից հետո հայրերը պիտի ձեռքերը լվանան:

Ըստ իս ծնողը այնքան պետք է մտահոգված լինի սեփական զավակով, որ հարցը չհասնի ալիմենտ կոչվածին:

Դիտարկումս չի վերբերվում որևէ կոնկրետ դեպքի, որովհետև հաճախ պատմությունների դետալները իմանալով` քննարկումը տեղափոխվում է այլ հարթություն, բայց փաստը մնում է փաստ` ծնողները հավասարապես են պատասխանատու իրենց զավակների համար:

Կից նյութն այստեղ